Долно Трогерци: село во Општина Карбинци

Ова село се наоѓа во северозападниот дел на територијата на Општина Карбинци, од левата страна на патот Штип-Кочани. Селото е рамничарско, на надморска височина од 400 метри. Од градот Штип е оддалечено 14 километри.

Селото е сместено на крајните југозападни падини на Осоговските Планини, додека на југ се протега широката долина на реката Брегалница.

До селото водат асфалтни патишта од Долни Балван, како и од штипското село Врсаково.

Во XIX век, Долно Трогерци било село во Штипската каза на Отоманското Царство.

Атарот зафаќа простор од 6,7 км². На него преовладува обработливото земјиште на површина од 533,3 хектари, на пасиштата отпаѓаат 123,3 хектари, додека шумско земјиште нема.

Селото, во основа, има полјоделска функција.

Според податоците на Васил К’нчов („Македонија. Етнографија и статистика“) од 1900 година, во селото имало 186 жители, сите Македонци. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живееле 184 Македонци, под врховенството на Бугарската егзархија.

Според германска карта издадена во 1941 година, а заснована на пописот на Кралството Југославија од 1931 година, селото имало 250 Македонци.

Селото е мало, во фаза на наполно раселување. Во 1961 година селото броело 232 жители, а во 1994 година само шест жители, македонско население.

Според пописот од 2002 година, во селото Долно Трогерци живееле 4 жители, сите Македонци.

Според последниот попис од 2021 година, во селото живееле 2 жители, сите Македонци.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

 

Селото влегува во рамките на Општина Карбинци, која била една од ретките општини кои не биле променети по новата територијална поделба на Македонија во 2004 година. Во периодот од 1996-2004 година, селото исто така се наоѓало во Општина Карбинци.

Во периодот од 1965 до 1996 година, селото се наоѓало во рамките на големата општина Штип. Селото припаѓало на некогашната општина Штип во периодот од 1955 до 1965 година.

Во периодот 1952-1955, селото било дел од тогашната Општина Три Чешми, во која покрај селото Долно Трогерци, се наоѓале и селата Батање, Врсаково, Доброшани, Криви Дол, Сарчиево, Судик, Сушево, Тестемелци, Три Чешми и Чардаклија. Селото било дел од некогашната Општина Долни Балван во периодот 1950-1952, во која влегувале селата Батање, Горни Балван, Горно Трогерци, Долни Балван, Долно Трогерци и Чардаклија.

Избирачко место

Селото е опфатено во избирачкото место бр. 2317 според Државната изборна комисија, сместено во просториите на основното училиште во селото Долни Балван. Во избирачкото место се опфатени селата Батање, Долни Балван и Долно Трогерци.

На претседателските избори во 2019 година, на ова избирачко место биле запишани вкупно 283 гласачи.

На парламентарните избори во 2020 година, на ова избирачко место биле запишани вкупно 295 гласачи.

 

Археолошки наоѓалишта

• Бела Земја — населба од доцноантичкото време.

Цркви

• Црква „Вознесение Христово“ — главна селска црква

Манастири

• Трогерски манастир — манастир над селото Горно Трогерци, кој бил основан од селаните на селата Горно и Долно Трогерци, Судик и Трооло

Споменици

• Спомен-плоча за загинатите младинци во НОБ
• Спомен-плоча за борецот Панче Рагушков
• Споменик за загинатите во Илинденското востание

Слави

• Спасовден — селска и црковна слава

Родени во или по потекло од Долно Трогерци

• Зафир Шаклев (1873-?) — просветен деец

•  
  Куќи во селото
•  
  Поглед на селото
•  
  Урната куќа во селото
•  
  Обновената селска чешма
•  
  Споменици во селото
•  
  Споменик на НОБ

• Општина Карбинци
• Штип

•   Долно Трогерци на Ризницата ^?