Thibaut Courtois

lahia di Bree, Belgia, 11 Mei 1992; umua 27 tahun

adolah saurang pamain sipak bola asal Belgia nan bamain sabagai panjago gawang untuak Real Madrid dan tim nasional Belgia.

Courtois sabalumnyo parnah bamain untuak Racing Genk. Inyo manjadi salah satu pamain kunci Racing Genk katiko maraih gala juara Liga Pro Belgia 2010–11. Satalah maahabihkan duo musim basamo Racing Genk, Courtois bagabuang jo Chelsea pado bulan Juli 2011 untuak kamudian dipinjamkan ka Atlético Madrid salamo satu musim. Basamo Atlético inyo bahasil maraih gala juara Liga Eropa UEFA 2011–12.

Awal karier

Courtois mamulai karier sipak bola pado sabuah klub lokal Bilzen V.V. jo bamain pado posisi bek kiri. Inyo kamudian bagabuang jo akademi sipak bola Racing Genk pado tahun 1999 katiko baumua 7 tahun. Di sinanlah Courtous ketek bamain sabagai saurang panjago gawang. Ktiko baranjak dewasa, inyo manyatokan mantan panjago gawang Manchester United Edwin van der Sar dan panjago gawang Chelsea Petr Čech sabagai idolanyo.

Chelsea

Pado 16 Juli 2011, Genk manyatokan bahwa alah tajadi kesepakatan biaya transfer Courtois ka Chelsea pado situs web resmi mereka. Pado 26 Juli 2011, Chelsea manyatokan pado situs web resmi mereka bahwa proses transfer Courtois alah salasai jo panandatangan kontrak badurasi limo tahun, jo biayo transfer dipakirokan sebesar £7,9 juta. Pado hari nan samo, juo diumumkan bahwa Courtois dipinjamkan ka Atlético Madrid hinggo akhia musim 2011–12.

Dipinjamkan ke Atlético Madrid

Pado 26 Juli 2011, Courtois bagabuang jo Atlético Madrid untuak kontrak paminjaman hinggo akhia musim 2011–12. Inyo diberikan kaus banomor pungguang 13, nan sabalumnyo dipakai David de Gea.

Inyo manjadi pilihan utamo pado posisi panjago gawang jo tak kabobolan pado ampek dari anam patandiangan awal La Liga. Pado 26 November 2011, Courtois manarimo kartu merah patamo dalam karier profesionalnyo satalah malakukan sabuah "palanggaran urang tarakhia" di kotak pinalti pado pamain Real Madrid Karim Benzema. Atlético mangalami kakalahan 4–1 pado laga Derbi Madrid tasabuik.

Courtois manjadi salah satu pamain kunci dalam keberhasilan Atlético maraih gala juara Liga Eropa UEFA 2011–12. Inyo tampil baik dan indak kabobolan pado kamanangan 3–0 ateh tim La Liga lainnyo Athletic Bilbao pado partai final, 9 Mei 2012, di Bucharest.

Pado 26 Juni 2012, Courtois kambali bagabuang jo Atlético untuak kontrak paminjaman hinggo akhia musim 2012−13.