Bangso Slavia

Inyo barasa dari Eurasia, mambantang dari Eropa Tangah, Eropa Tenggara jo Eropa Timur, Eropa Timur Laut, Asia Utara (Siberia jo Timur Jauah Rusia), jo Asia Tengah (tarutamo Kazakhstan jo Turkmenistan), sarato sacaro historis di Eropa Barat (khususnyo di Jerman Timur) jo Asia Barat (tamasuak Anatolia). Sajak awal abaik ka-6 inyo manyeba untuak mandiami sabagian gadang Eropa Tangah, Timur jo Tenggara. Kini ko, ado diaspora Slavia nan gadang di sadoalah Amerika, tautamo di Amerika Serikat, Kanada, Brasil, jo Argentina sabagai akibek dari imigrasi.

Bangso Slavia

Peta negara-negara di dunia jo: ██ Mayoritas etnis Slavia (labiah dari 50%) ██ Minoritas etnis Slavia (10–50%)
Total populasi
ca. 350 juta
Kawasan jo populasi nan signifikan
Rusia	ca. 134 juta
Polandia	ca. 60 juta
Ukraina	ca. 59 juta
Ceko	ca. 14 juta
Serbia	ca. 10 juta
Belarusia	ca. 10 juta
Bulgaria	ca. 9 juta
Kroasia	ca. 8 juta
Slowakia	ca. 7 juta
Kazaki	ca. 5 juta
Bosnia	ca. 3 juta
Slovenia	ca. 2.5 juta
Makedonia	ca. 2.4 juta
Rusyn	ca. 1.7 juta
Pomak	ca. 1 juta
Silesia	ca. 860,000
Moravia	ca. 700,000
Kashubia	ca. 570,000
Montenegro	ca. 460,000
Yugoslavia	ca. 415,000
Sorbia	ca. 150,000
Muslim	ca. 140,000
Lemko	ca. 67,000
Gorani	ca. 60,000
Bunjevci	ca. 20,000
Pomor	ca. 6,000
Krashovani	ca. 5,000
Šokci	ca. 600
Poleshuk	?
Goral	?
Bahaso
Rumpun bahaso Slavia
Agamo
Mayoritas: Ortodoks Timur Katolikisme (Katolik Yunani atau Katolik Latin) Minoritas: Islam Protestantisme Paganisme Slavia Kekristenan Rohani Tidak beragama
Kalompok etnis takaik
Orang Balti

Bangso Slavia adolah kalompok etno-linguistik tagodang di Eropa. Bangso Slavia kini ko dikalompokan ka dalam Slavia Timur (tautamo bangsa Belarusia, bangsa Rusia, Rusyn, jo bangsa Ukraina), Slavia Barat (tautamo bangsa Ceko, suku Kashubia, bangso Polandia, bangso Slovakia, jo bangso Sorb) jo Slavia Selatan (tautamo bangso Bosnia, bangso Bulgaria, bangso Kroasia, bangso Makedonia, bangso Montenegro, bangso Serbia jo bangso Slovenia).

Kabanyakan urang Slavia sacaro tradisional manganuik Kristen Ortodoks Timur, partamo kali dipakenalan dek misionaris dari kekaisaran Bizantium, dan dipraktikkan dek sabagian gadang urang Slavia. Ortodoks Timur Slavia dianuik dek kabanyakan urang Belarusia, urang Bulgaria, urang Makedonia, urang Montenegro, urang Rusia, urang Serbia, jo urang Ukraina dan ditantuan dek kabiasoan Ortodoks dan aksara Sirilik (urang Montenegro jo urang Serbia juo mangunoan aksara Latin jo istilah nan samo).

Ado sakalompok ketek etnis Slavia sacaro tradisional manganuik Islam. Kalompok etnis Slavia nan mayoritas umat Muslim maliputi urang Bosniak, suku Gorani, jo etnis Muslim. Komunitas Muslim Slavia nan signifikan tamasuak etnis Bulgaria (Pomak) jo Makedonia (Torbeši).

Bangso Slavia Modern jo kalompok-kalompok etnis, sangaik baragam elok sacaro genetik maupun budaya, dan hubuangan di antaro inyo - bahkan didalam kalompok individu - bakisar dari "sikap solidaritas antar etnis hinggo saliang bumusuahan".

Panyabuikan etnonim Slavia tatuo iolah Procopius pado abaik ka-6 Masehi, nan ditulih dalam bahaso Yunani Bizantium, manggunoan babagai bantuak sarupo klaboi (Σκλάβοι), Sklabēnoi (Σκλαβηνοί), Sklauenoi (Σκλαυηνοί), Sthlabenoi (Σθλαβηνοί), atau Sklabinoi (Σκλαβῖνοι), sadangka Yordanes kontemporernyo mangacu ka Sclaveni dalam bahaso Latin. Dokumen tatuo nan ditulih dalam bahaso Slavonia Gerejawi Kuno, nan barasa dari abaik ka-9, mambuktian otonim sabagai Slověne (Словѣне). Bantuak-bantuak iko manunjuak ka otonim Slavia nan dapek direkontruksi dalam bahaso Proto-Slavia sabagai *Slověninъ, kato jamak dari Slověne.

Otonim nan direkonstruksi *Slověninъ biasonyo dianggok sabagai katurunan dari kato slovo ("kato"), nan aslinyo bararti "urang nan mangecek (dalam bahaso nan samo)", "urang nan saliang mamahami". Kato slovo ("kato") jo slava takaik ("kamuliaan, katenaran") jo slukh ("pandangaan") barasa dari akar Proto-Indo-Eropa *klew- ("kamuliaan"), sarumpun jo Yunani Kuno κλέος "katenaran", sarupo dalam namo Pericles, patunjuak Latin clueo ("disabuik").

Dalam sumber-sumber Abaik Patangahan jo Modern Awal nan ditulih dalam bahaso Latin, Slavia paliang acok disabuik jo Sclaveni, atau dalam versi singkeknyo Sclavi.

Proto-Slavia, nan marujuak ka bahaso niniak moyang sadoalah bahaso Slavia marupokan katurunan dari Proto-Indo-Eropa nan samo, malalui Balto-Salvia dimano inyo mangambangan banyak isoglos leksikal jo morfologis jo bahaso Baltik. Dalam karangko hipotesis Kurgan, "urang Indo-Eropa yang hinggok tingga sasudah migrasi (dari padang rumpuik) manjadi panutua bahaso Balto-Slavia". Proto-Slavia didefinisian sabagai tahap tarakhir bahaso sabalum pamisahan geografi dari bahaso Slavia historis. Bahaso nan saragam jo pinjaman dari bahaso asiang yang selanjuiknyo Slavia mangubahnyo ka bahaso lain, indak bisa dikatoan mampunyoi dialek nan dapek dikenali - iko manunjuakan bahwa pado suatu katiko dulu ado wilayah Proto Slavia nan relatif ketek.

Bahaso Slavia standar nan mampunyoi status resmi ado satidaknyo di ciek negara: Belarusia, Bosnia, Bulgaria, Kroasia, Ceko, Makedonia, Montenegro, Polandia, Rusia, Serbia, Slovakia, Slovenia, jo Ukraina. Rusia adolah negara nan paliang banyak manggunoan bahaso Slavia, jo marupokan bahaso ibu nan paliang banyak digunoan di Eropa.

Alpabet nan digunoan dek bahaso Slavia acok bahubuangan jo agamo mayoritas diantaro kalompok etnis masiang-masiang. Urang Kristen Ortodoks mangunoan alfabet Cyrillic sadangkan Katolik mangunoan alfabet Latin; urang Bosnia nan baragamo Islam juo manggunoan alfabet Latin.

Bangso Slavia biasonyo dibagi manuruik garih geografis manjadi tigo subkalompok utamo; Slavia Barat, Slavia Timur, jo Slavia Selatan, masiang-masiang jo latar balakang nan babeda jo baragam badasakan sijarah, agamo, jo budaya nan unik dari kalompok Slavia tatantu didalamnyo. Talapeh dari budaya arkeologi prasejarah, subkalompok tasabuik mampunyoi kontak budaya nan tacelak jo paradaban Zaman Parunggu jo Basi non-Slavia. Bangso Slavia modeern jo kalompok etnis sangaik baragam elok sacaro genetik maupun budaya, jo hubuangan di antaro raso katakaikan hinggo pamusuahan.

Slavia Barat barasa dari suku Slavia awal nan tingga manatok di Eropa Tengah sasudah suku Jermanik Timur maninggaan daerahnyo salamo periode migrasi. Inyo tacataik alah bacampua jo suku jermanik, suku Magyar, Kelt (khusunyo Boii), Prusia Lamo, jo Avar Pannoia. Slavia Barat barado di bawah pangaruah Kekaisaran Romawi Barat (Latin) jo Gereja Katolik.

Slavia Timur barasa dari suku Slavia awal nan bacampua jo bahubuangan jo urang Finlandia dan Balt. Bagian Slavia awal, Antes, campua dari Iran jo kamudian manarimo pangaruah dari Khazar dan Viking. SLavia Timur malacak asa-usua nasional inyo ka sarikek suku Kievan Rus' jo Khagnat Rus', dimulai pado abaik ka-10. Urang ko datang tarutamo di bawah pangaruah Kekaisaran Bizantium jo Gereja Ortodoks Timur.

Slavia Selatan dari sabagian gadang wilayah barasa dari suku Slavia awal nan bacampua jo suku Proto-Balkanik lokal (suku llliria, Darcia, Thracia, Paeonia, Hellenik) jo suku Kelt (khususnyo Scordisci), sarato jo Romawi (jo siso-siso kalompok sabalumnyo nan diromanisasi), juo ditambah siso-siso suku-suku Jermanik, Asiatik, atau Kaukasia nan manatap samantaro, sarupo Gepid, Hun, Avar, Goth, jo Bulgaria. Panduduak asli Slovenia kini jo Korasia kontinental mampunyoi asa-usua suku Slavia awal nan bacampua jo urang Romawi dan urang Kelt sarato llliria nan diromanisasi juo jo urang Avar dan Jerman (Lombard jo Goth Timur). Slavia Selatan (kacuali Slovenia jo Kroasia) barado di bawah lingkuang budaya Kekaisaran Romawi Timur (Kekaisaran Bizantium), Kasultanan Utsmaniyah jo Gereja Ortodoks Timur dan Islam, sadangkan Slovenia jo Kroasia dipangaruhi dek Kekaisaran Romawi Barat (Latin) dak karano itu Gereja Katolik jo caro nan sarupo jo Slavia Barat.

Ado pakiroan ca. 350 juta urang Slavia di seluruah dunia.

 

Etnisitas	Bangsa-negara	Perkiraan angka
Bangsa Rusia	Rusia	129,000,000 — 134,000,000
Bangsa Polandia	Polandia	60,000,000
Bangsa Ukraina	Ukraina	37,000,000—59,000,000
Bangsa Serbia	Serbia	10,000,000
Bangsa Ceko	Ceko	9,500,000 — 14,000,000
Bangsa Belarusia	Belarusia	9,500,000 — 10,000,000
Bangsa Bulgaria (termasuk Banat Bulgaria dan Pomak)	Bulgaria	8,000,000 — 10,000,000
Bangsa Kroasia	Kroasia	6,000,000 — 9,000,000
Bangsa Slowakia	Slowakia	5,500,000 — 7,000,000
Bangsa Bosnia (sebelum Muslim Bosnia)	Bosnia dan Herzegovina	2,200,000 – 3,000,000
Bangsa Slovenia	Slovenia	2,000,000 — 2,500,000
Bangsa Makedonia (termasuk. Torbeši)	Makedonia Utara	1,800,000 — 2,400,000
Silesia	Polandia dan   Ceko	173,000 — 860,000
Bangsa Moravia	Ceko	630,000 — 700,000
Bangsa Yugoslavia	Serbia dan negara-negara pecahan Yugoslavia	380,000 — 415,000
Rusyn (termasuk Lemkos)	Ukraina dan   Polandia dan   Slovakia	350,000 — 1,600,000
Bangsa Slavia di Yunani	Yunani	350,000 — 600,000
Cekoslovakia	Ceko dan   Slovakia	335,000 — 350,000
Montenegrins	Montenegro	330,000 — 460,000
Bangsa Kashubia	Polandia	233,000 — 570,000
Slavia-Amerika (Slavia-Amerika atau Slavia-Kanada)	—	140,000 — 200,000
Muslim Slavia	Serbia	100,000 — 140,000
Bangsa Sorbia	Jerman	65,000 — 150,000
Gorani	Serbia /   Kosovo	35,000 — 60,000
Bunjevci (termasuk Šokci)	Serbia dan   Kroasia	ca. 20,000