Wiccionaire

Come so èn esplicant motî, gn a les esplikêyes des mots.

• 
  5000 årtikes, e 2010
• 
  11.000 årtikes e 2014
• 
  16.000 årtikes, e 2015

Come so on franwal, gn a les ratournaedjes e francès, mins eto dins tos les lingaedjes k' on vout. On pout åjheymint passer so les ôtes wiccionaires, po saveur les ca et les ma des ratournas dins leu langue di provnance.

Come dins l' DTW, i gn a, sovint, les sourdants des mots e sistinme Feller dins l' djivêye des motîs do walon.

Come dins l' esplicant motî do walon, gn a les parintaedjes, les omonimeyes, les sinonimeyes, pwaires minimom, et hay vos nd åroz.

Come dins sacwants spepieus motîs (motî da Haust, Motî d' Bastogne, Motî da Villers, replaidî pa Lechanteur) gn a-st avou, les etimolodjeyes des mots, pacô avou l' rahouca dins l' Motî etimolodjike da von Wartburg.

Come dins les ALW n a eto les prononçaedjes des mots e-n AFE.

L' interface do Wiccionaire a stî enondêye pa des bouteus, nén cnoxhous di tos tchamps payis e 2005-2006. Les scrijhaedjes e walon ont-st ataké li 21 di djanvî 2008. C' est Lucyin Mahin k' as-st escourci l' cayet, cwan des ôtes wikipedyisses did foû payis lyi ont mostré ki l' esplicant motî do walon sereut bråmint diswalpé lavola.

• Mwaisse pådje do Wiccionaire