ويقاموس
لويقاموس هوّا پروجي د لويب ب بزاف د لّوغات و تابع ل مؤسسة ويكيميديا، لي لهاداف ديالو لمصاوبة ديال ديكسيونير حور ؤ فابور ديال لمصطلحات (كلمات، تعبيرات، حكام ؤ متال ؤ زيد ؤ زيد)، ب جميع لّوغات طّبيعية ؤ شي لوغات صطيناعية.
هاد دّخلات يقدرو يحتاويو علا تعريفات، تصاور، وصف ديال نّوطق، لؤصولوجيا، تّصريف، أمتيلا د تّخدام ديال لمصطلحات، قتيباسات، لمصطلحات لمرتابطة، طرجمات، ؤ ستونات خرين.
لپروجي د ويقاموس مفتوح ل أي واحد باش يساهم فيه بحال جميع لپروجيات د ويكي، ؤ متوفر دابا ب 171 لوغة. سّمية د "ويقاموس" هيّا دمج ديال كلمة "ويكي" معا كلمة "قاموس". بحال نيت لمشروع د ويكيپيديا، لويقاموس مجيري من طاراف مؤسسة ويكيميديا، ؤ مفتوح ل متطوعين باش يساهمو فيه. هاد لمتطوعين نقدرو نسميوهوم "كتاتبيا" ؤلا "ويقيين".
دّاطا د لويقاموس كاتّستعمل بزاف ف لعطاشات ديال طّريطما د لّوغات طّبيعية (Natural Language Processing).
تاريخ
تحل السيت د لويقاموس ف 12 دجنبر 2002، و كان قتيراح ديال دانييل أتصون و لاري سانڭر (واحد من الجوج لي أسسو ويكيپيديا). ف 28 مارس 2004، خرجو أول مشاريع د لويقاموس ماشي ب النڭليزية لي هوما لويقاموس ب لفرانساوية و ب لپولونية. من ديك الساع خرجو بزاف د لويقاموسات ب لوغات خرين. أكبر ويقاموس دابا هوّ ديال النڭليزية لي فيه كتر من 7,5 مليون دخلة (ب كلمات ب كتر من 4300 لوغة)، تابعو د لفرانساوية لي فيه 4,7 مليون دخلة، و عاد لمالاڭاشية ب 4,3 مليون دخلة.
عيون لكلام
 | تقدر تزيد شوف بزاف د تّصاور و لمعلومات ديال Wiktionary ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article ويقاموس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.