ᱴᱚᱠᱭᱚ (ᱡᱟᱯᱟᱱᱤᱡᱽ ᱯᱟᱹᱨᱥᱤ:東京, ᱨᱟᱹᱲ:tōkyō) ᱫᱚ ᱡᱟᱯᱟᱱ ᱨᱮᱱᱟᱜ ᱨᱟᱡᱽᱜᱟᱲ ᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱾ ᱱᱚᱣᱟ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱦᱚᱲ ᱠᱚ ᱵᱟᱥᱟᱜ ᱠᱟᱱ ᱛᱮᱭᱟᱜ ᱢᱟᱦᱟᱱᱟᱜᱟᱨ ᱠᱟᱱᱟ ᱾ ᱱᱚᱸᱰᱮ ᱫᱚ ᱡᱟᱯᱟᱱ ᱨᱤᱱᱤᱡ ᱥᱚᱨᱠᱟᱨ ᱟᱨ ᱥᱚᱢᱨᱟᱴ ᱠᱤᱱ ᱛᱟᱦᱮᱸᱱᱟ ᱾
ᱴᱚᱠᱭᱚ ᱫᱚ ᱯᱟᱹᱦᱤᱞ ᱮᱰᱚ ᱧᱩᱛᱩᱢ ᱛᱮ ᱠᱚ ᱵᱟᱰᱟᱭᱮᱫ ᱛᱟᱦᱮᱸᱫ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ "ᱜᱟᱰᱟ ᱵᱚᱦᱚᱜ" ᱢᱮᱱᱛᱮ ᱵᱟᱰᱟᱭᱚᱜ-ᱟ ᱾ ᱑᱘᱖᱘ ᱥᱟᱞᱮ ᱨᱮ ᱡᱚᱠᱷᱚᱱ ᱱᱚᱣᱟ ᱫᱚ ᱢᱮᱡᱤ ᱨᱮᱱᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱵᱮᱨᱮᱫ ᱮᱱᱟ, ᱩᱱ ᱚᱠᱛᱚ ᱨᱮ ᱫᱚ "ᱴᱚᱠᱮᱭ" ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱪᱟᱭᱱᱤᱡᱽ ᱯᱟᱹᱨᱥᱤ ᱛᱮ "ᱴᱚᱠᱭᱚ" ᱢᱮᱱᱛᱮ ᱠᱚ ᱢᱮᱱᱛᱮ ᱠᱚ ᱨᱟᱹᱲ ᱮᱫ ᱛᱟᱦᱮᱸᱫ ᱾ ᱛᱤᱢᱤᱱ ᱜᱟᱱ ᱤᱝᱞᱤᱥ ᱵᱮᱣᱨᱟ ᱥᱟᱠᱟᱢ ᱨᱮ ᱱᱚᱣᱟ ᱨᱮᱱᱟᱜ ᱨᱟᱹᱲ ᱴᱚᱠᱮᱭ ᱢᱮᱱᱛᱮ ᱜᱮ ᱠᱚ ᱚᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱱᱤᱛᱚᱜ ᱫᱚ ᱚᱱᱟ ᱟᱹᱲᱟᱹ ᱟᱨ ᱵᱟᱝ ᱪᱚᱞᱚᱛ ᱚᱜ ᱠᱟᱱᱟ ᱾ ᱥᱟᱴᱚ ᱱᱩᱵᱩᱦᱤᱨᱚᱭ ᱚᱞ ᱟᱠᱟᱫ ᱠᱩᱱᱰᱩ ᱦᱤᱥᱠᱩ(ᱡᱩᱢᱤᱫᱚᱜ ᱨᱮᱱᱟᱜ ᱩᱠᱩ ᱯᱚᱨᱛᱚᱱ) ᱯᱚᱛᱚᱵ ᱨᱮ ᱚᱞ ᱞᱮᱫ ᱛᱟᱦᱮᱸᱫ, ᱪᱤ ᱑᱘᱑᱓ ᱥᱟᱞᱮ ᱨᱮ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱴᱚᱠᱭᱚ ᱫᱚᱦᱚᱭ ᱞᱟᱹᱜᱤᱫ ᱫᱟᱣ ᱧᱟᱢᱞᱮᱱᱟ ᱾
ᱴᱚᱠᱭᱚ ᱟᱰᱮ ᱯᱟᱥᱮ ᱠᱚᱨᱮ ᱟᱹᱰᱤ ᱟᱭᱢᱟ ᱴᱟᱹᱯᱩ ᱢᱮᱱᱟᱜ ᱟᱠᱟᱫᱟ, ᱚᱠᱟ ᱫᱚ ᱴᱚᱠᱭᱚ ᱛᱟᱞᱢᱟ ᱠᱷᱚᱱ ᱑,᱘᱘᱕ ᱠᱤᱞᱚ ᱢᱤᱴᱟᱨ (᱑,᱑᱕᱐ ᱢᱟᱭᱤᱞ) ᱴᱚᱴᱷᱟ ᱛᱮ ᱯᱟᱥᱱᱟᱣ ᱟᱠᱟᱱ|
ᱴᱚᱠᱭᱚ ᱫᱚ ᱢᱩᱬ ᱠᱷᱚᱱ ᱢᱤᱫ ᱦᱩᱰᱤᱧ ᱠᱮᱶᱴᱟ ᱟᱹᱛᱩ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ ᱫᱚ ᱮᱰᱚ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱢᱟᱨᱮ "ᱢᱩᱥᱟᱥᱤ" ᱯᱤᱲ ᱨᱮᱱᱟᱜ ᱴᱷᱟᱶ ᱠᱟᱱ ᱛᱟᱦᱮᱸᱫ ᱾
ᱴᱚᱠᱭᱚ ᱨᱮ ᱟᱭᱢᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱢᱟᱨᱟᱝ ᱡᱮᱜᱮᱛ ᱵᱤᱫᱟᱹᱜᱟᱲ ᱟᱨ ᱵᱮᱯᱟᱨ ᱵᱤᱨᱫᱟᱹᱜᱟᱲ ᱠᱚ ᱢᱮᱱᱟᱜ-ᱟ ᱾ ᱟᱭᱢᱟ ᱡᱟᱯᱟᱱ ᱟᱨ ᱯᱚᱨᱛᱩᱜᱤᱡᱽ ᱵᱤᱨᱫᱟᱹᱜᱟᱲ ᱴᱚᱠᱭᱚ ᱨᱮ ᱢᱮᱱᱟᱜ-ᱟ ᱾ ᱴᱚᱠᱭᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱦᱤᱴᱚᱛᱚ ᱥᱩᱵᱷᱟᱥᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱴᱚᱠᱭᱚ ᱤᱱᱥᱴᱤᱪᱩᱴ ᱚᱯᱷ ᱴᱮᱠᱱᱚᱞᱚᱡᱤ, ᱣᱟᱥᱮᱰᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱴᱚᱠᱭᱚ ᱥᱟᱬᱮᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱠᱮᱭᱩᱭᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶᱛᱮ ᱟᱭᱢᱟ ᱢᱟᱨᱟᱝ ᱢᱟᱨᱟᱝ ᱡᱮᱜᱮᱛ ᱵᱩᱨᱫᱟᱹᱜᱟᱲ ᱢᱮᱱᱟᱜ-ᱟ ᱾ ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ -
ᱱᱚᱸᱰᱮ ᱛᱤᱢᱤᱱ ᱜᱟᱱ ᱵᱷᱟᱹᱜᱤ ᱧᱩᱛᱩᱢᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱡᱟᱜᱟᱸ ᱠᱚᱨᱮ ᱟᱹᱰᱤ ᱱᱟᱯᱟᱭ ᱤᱝᱞᱤᱥ ᱟᱨ ᱡᱟᱯᱟᱱᱤᱡᱽ ᱯᱟᱹᱨᱥᱤ ᱠᱚ ᱪᱮᱪᱮᱫ-ᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ -:
ᱴᱚᱠᱤᱭᱚ ᱫᱚ ᱡᱩᱢᱤᱫ ᱡᱟᱹᱛᱩᱭᱟᱹᱨᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ (United Nations University) ᱨᱮᱱᱟᱜ ᱢᱩᱬᱩᱛ ᱜᱷᱟᱨᱚᱡᱽ ᱦᱚᱸ ᱢᱮᱱᱟᱜ-ᱟ ᱾
This article uses material from the Wikipedia ᱥᱟᱱᱛᱟᱲᱤ article ᱴᱚᱠᱭᱚ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.