Geometrìa Pentàgon

Ol pentàgon l'è öna figüra geomètrica piàna, ü polìgon che 'l gh'à sich làti; menimà se ciàma pentàgon regolàr, ü pentàgon che 'l gh'à i sich làti töi lónch istès e sich àngoi töi gràncc istès e cioè piö o méno de 108 gradi.

Per troà 'l perìmeter d'ü pentàgon, se 'l pentàgon l'è mia regolàr, mè fà l sóma de töcc e sich i làti, menimà se l'è regolàr bàsta fà.

${\displaystyle 2p\,=\,5\cdot l}$ 

Gh'è dò manére dièrse per troà l'àrea d'ü pentàgon regolàr:

${\displaystyle A(l)={\frac {5la}{2}}={\frac {2Pa}{2}}}$ 

'ndóe l l'è 'l làto, a l'è l'apotéma e 5l e 2P i'è 'l perìmeter. Per capì chèsta fórmula, bàsta pensà che 'l pentàgon 'l sìes facc de sich triàngoi regolàr e per ògnü de chès-ce triàngoi 'l làto del pentàgon l'è la bàze, menimà l'altèsa l'è 'l apotéma, isé per troà l'àrea de ü de chès-ce triàngoi s'fà come per töcc i triàngoi, cioè bàze per altèsa e pò gh'è de dividì töt per dù, e alùra per troà l'àrea del pentàgon l'è asé moltiplicà per sich.

Öpör s' pöl fà:

${\displaystyle A(l)=\simeq ns\ l^{2}}$ 

'ndóe l l'è 'l làto e ns' l'è 'l nömer stàndard che per ol pentàgon l'è piö o méno 1,720477400.