O Plusvalô o l'è ün di concetti fondamentali dell' economia politica, definio da Karl Marx in te a sö ben nota opera O Capitâ.
ZE | Questa pàgina a l'é scrîta in léngoa zenéize |
Marx o l'ea arrivou a definï o plusvalô partindo da o travaggio de dui atri economisti, Adam Smith e David Ricardo. Mentre l' economia preçedente a vedeiva o valô in ti oggetti, limitandose a seguï quello che avvegne attraverso o scangio de unna merçe con un'atra, l'introdusion do concetto de plusvalô a l'ha portou a vedde che o valô o deriva da o lòu. Segundo Lenin a teoria do plusvalô a l'è a pria angolare d'a teoria economica de Marx.
O valô de unna qualsiasi merçe perciò o l'è determinou da o tempo de lòu socialmente neçessaio pe a sö prodüsion. In atre parolle l'operaio o vende a sö forsa de lòu a-o proprietaio da fabbrica ( ò da tæra se o l'è un brassante agricolo ). Unna primma parte do tempo che l'operaio o passa lòuando a ghe serve pe guägnä quello che serve pe soddisfä i bezögni fondamentali, sö e d'a sö famiggia ( alimentasion, casa, etc.), oscia quelle che poemmo ciammä speize de mantegnimento, ottegnindo in cangio o salario. O tempo rimanente o l'è invece quello in to quæ se prodüxe o plusvalô e segundo Marx o no vegne retribuio, essendo coscì ä base do profitto do capitalista.
Pe questo motivo o padron o l'ha interesse a allungä l'oraio da giornä de lòu (Plusvalô assolüo) e a diminuï o tempo neçessaio perchè l'operaio o l'arrive a prodüe quante serve pe e speize de mantegnimento (Plusvalô relativo). Quest'urtimo risültou o se ottegne con l'organizzasion do lòu e co-o svilüppo tecnologico.
Contròllo de outoritæ | LCCN (EN) sh85130841 · GND (DE) 4169337-1 · BNF (FR) cb12306858x (data) · BNE (ES) XX552970 (data) · NDL (EN, JA) 00575062 |
---|
This article uses material from the Wikipedia Lìgure article Plusvalô, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). O contegnûo o l'é disponìbile in sciâ bâze da licénsa CC BY-SA 4.0, se o no l'é diversaménte specificòu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lìgure (DUHOCTRUNGQUOC.VN) is an independent company and has no affiliation with Wiki Foundation.