Afro-Aziatische Spraoke
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
't Afro-Aziatsch (ouch Hamito-Semitisch) is 'n groeate spraokfemielje die oet hóngerdje verwantje spraoken en dialekte besteitj. 't Guuef zoea 300 laevendje spraoken en dialekte volges Ethnologue. Óngere spraokfemielje valle spraoke die veurnamelik in 't Midden-Oeaste, Naord-Afrika, de Häöre van Africa en deiler vanne Sahel gekaldj waere. De Afro-Aziatische femielje is van belang in 't veldj van historische spraokkónde ómdet 't de langste opgesjreve gesjiechte van welche spraokfemielje denouch haet.
Afro-Aziatische spraoke waere door mieër es 350 miljoen luuj es moderspraok gekaldj en daomit is 't de op drie nao grótste spraokfemielje qua aantaal spraekers. De wiedsverbrèdje spraok is 't Arabisch, mit zoea 200 toet 230 miljoen moderspraokspraekers, det in 't Midden-Oeasten en deiler van Naord-Afrika wuuertj gekaldj. 't Berber (en variante) wuuertj gekaldj in Marokko, Algerieë, Libië, Tunesië, Naord-Mali en Naord-Niger door zoea 25 toet 35 miljoen luuj. Anger wiedverbrèdje Afro-Aziatische spraoke zeen 't Hausa, de dominante spraok van Naord-Nigeria en Zuud-Niger, det es moderspraok wuuertj gekaldj door zoea 25 miljoen luuj en ouch es lingua franca deentj veur nans 20 miljoen luuj in Wès-Afrika enne Sahel; 't Oromo in Ethiopië en Kenia, mit zoea 33 miljoen spraekers, 't Amharisch in Ethiopië, mit mieër es 25 miljoen moderspraokspraekers; 't Somali mit mieër es 15 miljoen spraekers in Somalië en ómgaeving; en 't Modern Hibrieëfs, det werreldwied door zoea zeve miljoen luuj wuuertj gekaldj.
Naeve de spraoke die huuj waere gekaldj vallen ónger 't Afro-Aziatisch ouch inkel wichtige aaj spraoke, wie 't Aad-Egyptisch, Akkadisch, Klassiek Hibrieëfs en 't Aramees.
Indeiling
Hie-ónger volg 'n lies mitte veurnaamste subgroepe van 't Afro-Aziatisch. Spraoke die 'n apaarte pagina op dees Wikipedia höbbe staon achtere subgroep vermeldj:
Brónvermeljing
This article uses material from the Wikipedia Limburgs article Afro-Aziatische spraoke, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.