Jessica Alupo

Jessica Rose Epel Alupo, gwebasinga okumannya nga Jessica Alupo, ye ow'omwenda era omumyuka wa pulezidenti wa Uganda okuva mu 2021.Munabyabufuzi Omunayuganda, omusomesa, ate eyaliko munamaggye. Yawerezaako nga minisita w'eby'enjigiriza mu kabineeti ya Uganda, wakati wa 2011 ne 2016. Era ono ye mukyala omubaka wa Paalamenti omulonde akiikirira Disitulikiti ye Katakwi.

Yazaalibwa mu Disitulikiti ya Katakwi nga 23 Ogwokutaano mu 1974. Yasomera ku Apuuton Katakwi Primary School. Oluvannyuma n'agenda ku Kangole Girls School fgyeyamalira S4. Emisomo gye egya S6, yagituulira ku Ngora High School. Alupo yatendeka nga eyali awereza ku dduuka eritunda eby'okulya kusomero nga tanaba kugenda okusoma koosi y'okutendekebwa byakubeera musirikale kutendekero lya Uganda Junior Staff College e Jinja. Alina Diguli mu by'emisomo gya sayansi mu by'obufuzi ne munimi, gyeyafuna mu 1997 okuva ku Yunivasite ye Makerere. Diguli ye ey'okubiri eyasooka, yali Master of Arts in international relations and diplomacy, nga nayo yagifunira ku Yunivasite y'e Makerere mu 2008. Alina ne Dipulooma mu by'okudukanya n'okulabirira embeera z'abantu gyeyafuna mu 2008 okuva kutendekero lya Uganda Management Institute (UMI). Diguli ye ey'okubiri mu by'okudukanya n'okulabirira embeera z'abantu yabifuna mu 2009, okuva ku Yunivasite ye Makerere.

Emyaka egiyise, abadde akola emirimu egy'enjawulo okubadde:

• Nga omusomesa ku Katakwi High School mu tawuni ya Katakwi, mu Disitulikiti ya Katakwi esinganibwa mu Buvanjuba bwa Uganda
• Nga eyali alagirira kutendekero lya Uganda Urban Warfare Training School e Singo, mu Disitulikiti ye Nakaseke, mu bitundu bya masekati ga Uganda
• Nga mbega w'amagye mu Chieftaincy of Military Intelligence mu Kampala, ekibuga kya Uganda ekikulu.

Mu 2001, yayingira mu by'obufuzi nga yeesimbyewo ku ky'omubaka omukyala eyali agenda okukiikirira Disitulikiti ye Katakwi. Yeesimbawo ku tikiti y'ekibiina kya National Resistance Movement (NRM). Yawangula era nebaddamu okumulonda mu 2006. Mu 2009, yaweebwa eky'okubeera minisita omubeezi ow'ensonga z'abavubuka n'abaana. Mu 2011, baddamu nebamulonda okukiikirira konsitituweensi ye mu Paalamenti.Munkyuka kyuka ya kabineeti nga 27 Ogwokutaano mu 2011,yakuzibwa n'agenda ku kya minisita w'eby'enjigiriza eby'emizannyo. Yadira Namirembe Bitamazire mu bigere, eyali asuliddwa okuva mu kabineeti.

Alupo mukyala mufubo ng'era baawe ye Innocent Tukashaba. Kigambibwa nti ayagala nnyo eby'okusoma, okukuunga abantu wamu n'okutambula engendo empaavu.