Lakshmi (sanscrito: लक्ष्मी) es la diva indu de ricia e bonfortuna.
El es la sposa e shakti (enerjia) de Vishnu. Lakshi, con Parvati e Saraswati, formi la Tridevi ("tre divas"), un trinia santa. Lakshmi es ance un diva importante en jainisme e es trovada en templos jain, e es un diva de bonfortunia en partes de la mundo budiste.
Lakshmi es ance nomida Sri ("belia, ricia") o Thirumagal ("fia"), car ave ses cualias divin (guna) e es la fortia divin de Vishnu. En induisme, el ia es naseda de la turba de la mar primeval (samudra mantha) e el ia eleje Vishnu como sua sposo eterna. Cuando Vishnu ia desende a tera como la avatares Rama e Krishna, Lakshmi ia ance desende como sua sposas, Sita e Rukmini. La sposi e relata entre Vishnu e Lakshmi es la model per rituas e seremonias de sposis indu.
En arte indian, Lakshmi es depintada como un fem vestida refinada e la color de oro, con un buo como sua veculo, sinifiante la importa de ativia economial en la manteni de vive, sua capasia per move, labora, e vince en oscuria confusante. El sede sur un pedestal nelumbin, con un nelumba en sua mano, cual es in simbol per bonfortuna, autosabe, e libri spirital. El es mostrada con cuatro manos, cual represente la cuatro goles de vive umana importante per la vive indu: dharma, kama, artha, e moksha ("condui virtuosa", "plasir e pasion", "labor produinte", e "lumina"),
Descovres arceolojial e monetas antica sujeste ce la reconose e adora de Lakshmi per la milenio prima aec. Scultas e icones de el ia es trovada en templos indu tra Asia sude e sude-este, estimada como de la dui du de la milenio prima ce. La festas de Diwali ("serie de lampas", la festa de lus) e Sharad Purnima ("autono luna plen", la festa de la fini de la monsones e comensa de colie) es selebrada per sua onora.
This article uses material from the Wikipedia Lingua franca nova article Lakshmi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.