Un verbo (de la latina verbum, sinifiante parola) es un parola cual comunica un ata (pe trae, leje, pasea, core, aprende), un aveni (aveni, deveni), o un state (es, esiste, sta).
En multe linguas, verbos es infletada (pd cambiada en alga modo) per encodigi tempo (pe, pasada, presente, futur, prosima o distante), aspeta (perfeta, nonperfeta, continuante, abitual, etc), moda (direta, demanda, comanda, sujuntiva, dependente), e vose (ativa, pasiva, media). Alga linguas altera verbos per indica la fonte de la informa (esperida direta, oiada de otra persones, parte de sabia jeneral, etc). Un verbo pote ance indica la person (me, tu, el, etc), cuantia (nos, vos, los) la jenero (mas, fema, neutra, comun), de sua sujeto (plu comun) o sua ojeto (min comun) o persones o cosas min sentral (rara, ma comun en la linguas algoncian, pe). La usa de esta afisas o cambias pote es multe estendeda (como en alga linguas de America o la Caucasos, o asente cuasi intera (como en xines, creoles, e lfn). Multe linguas distingui ance entre verbos con zero, un, du, o (multe rara) tre ojetos (pe "la acua boli", "me boli la acua", "me nomi el Joan").
This article uses material from the Wikipedia Lingua franca nova article Verbo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.