Via De Seda
La Via de Seda ia es un rede antica de vias de comersia cual ia lia la este e ueste.
Lo ia es sentral a la interata cultural entre la rejiones per multe sentenios. La Via de Seda refere prima a la vias teran cual ia junta Asia este e Asia sude-este con Africa este, Asia sude-ueste e sude, e Europa sude.
La nom deriva de la intercambia de seda cual aveni longo la via, comensante en la dinastia Han (207 aec a 220 ec). La dinastia Han ia estende la sesion en Asia sentral de vias de comersia sirca 114 aec par misiones e esplora par la representor imperial de Xina, Zhang Qian. La xines ia es multe interesada en la securia de sua produis per intercambia, e ia estende la Mur grande de Xina per garantia la proteje de la via de comersia.
Comersia a la via ia ave un rol sinifiante en la developa de la sivilias de Xina, Corea, Japan, Asia sude, Persia, Europa, la Corno de Africa, e Arabia, abrinte relatas political e economial de distantias grande entre la sivilias. An si seda ia es la bene major esportada de xina, multe otra benes ia es intercambiada, e plu: relijios, folosofias sintesedal, siensas, e tecnolojias. Maladias, spesial la pesta, ia sperde ance longo la Via de Seda.
This article uses material from the Wikipedia Lingua franca nova article Via de Seda, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.