Constantinopoli (elinica: Κωνσταντινούπολις Konstantinoúpolis o Κωνσταντινούπολη Konstantinoúpoli; latina: Constantinopolis; turces osmanian: قسطنطینية, Ḳosṭanṭīnīye) ia es la site capital de la imperos roman/bizantian (330–1204 e 1261–1453), como ance de la imperos latina (1204–1261) e osmanian (1453–1923).
En 324, lo ia es induida de Bizantio antica como la capital nova de la impero roman par la imperor Constantino la Grande, de ci lo prende sua nom, e lo ia es dedicada a 11 maio 330.
Constantinopoli ia es conoseda par sua defendes masosa e complicada. An si lo ia es asejada multe veses par varia poplas, la defendes de Constantinopoli ia demostra es nonatacable per novesento anios ante la site ia es concistada par la crusadores de la Crusada cuatro en 1204, e a pos ia es librida en 1261 par la imperor bizantian Micel 8 Palaiologo. Un ves du ia es concistada en 1453 par la sultan osmanian Mehmed 2.
La site ia es ance conoseda par sua obras mestral arcitetal, como la catedral ortodox elinica de Hagia Sofia, cual ia serve como la seja de la Patriarcia Nonramal, la Palasio Imperal e la Tore Galata. La Universia de Constantinopoli ia es instituida en la sentenio 5 e ia conteni multe tesoros artal e leteratural ante lo ia es sacada en 1204 e 1453, incluinte sua Biblioteca Imperal, cual ia conteni la restas de la Biblioteca de Alexandria e ia ave plu ca 100 000 volumes de testos antica.
This article uses material from the Wikipedia Lingua franca nova article Constantinopoli, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.