ᱤᱥᱞᱟᱢ (/ˈɪslɑːm/) ᱫᱚ ᱟᱵᱨᱟᱦᱟᱢᱤᱭᱳ ᱫᱷᱚᱨᱚᱢ ᱠᱟᱱᱟ ᱡᱟᱦᱟᱸ ᱫᱚ ᱟᱞᱞᱟᱜᱣᱟᱜ ᱠᱟᱛᱷᱟᱠᱩ (ᱠᱳᱨᱟᱱ) ᱱᱚᱵᱤ ᱢᱩᱦᱟᱢᱢᱚᱫᱽ ᱟᱜ ᱥᱤᱠᱷᱱᱟᱹᱛᱷ, ᱡᱤᱭᱚᱱ ᱥᱟᱱᱟᱥᱤ ᱥᱮ ᱥᱩᱱᱱᱟᱦ ᱟᱨ ᱦᱟᱫᱤᱥ ᱧᱩᱛᱩᱢᱛᱮ ᱵᱟᱰᱟᱭᱚᱜ ᱠᱟᱱᱟ ᱾ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱢᱩᱪᱟᱹᱫ ᱱᱚᱵᱤ ᱫᱚ ᱢᱩᱦᱟᱢᱢᱚᱫᱽ ᱠᱟᱱᱟᱭ ᱾ ᱤᱥᱞᱟᱢ ᱟᱹᱲᱟᱹ ᱫᱚ ᱟᱹᱨᱵᱤ ᱟᱹᱲᱟᱹ س-ل-م ᱠᱷᱚᱱ ᱦᱮᱡᱠᱟᱱᱟ ᱾ ᱟᱫᱚ ᱚᱱᱟᱨᱮᱱᱟᱜ ᱢᱟᱱᱮ ᱫᱚ ᱦᱩᱭᱩᱜ ᱠᱟᱱᱟ ᱥᱟᱹᱱᱛᱤ ᱟᱨ ᱟᱞᱞᱟᱜ ᱴᱷᱮᱱ ᱡᱤᱣᱤ ᱟᱞᱟᱭ ᱾ ᱟᱹᱰᱤᱜᱟᱱ ᱦᱚᱲᱠᱩ ᱢᱮᱱᱟ ᱡᱮ ᱢᱩᱦᱟᱢᱢᱚᱫᱽ ᱜᱮ ᱤᱥᱞᱟᱢ ᱫᱚᱭ ᱯᱟᱥᱱᱟᱣ ᱟᱠᱟᱫᱟ ᱾ ᱟᱵᱟᱨ ᱦᱚᱸᱠᱚ ᱢᱮᱱᱟ ᱵᱟᱝᱢᱟ ᱞᱟᱦᱟᱨᱮ ᱮᱴᱟᱜ ᱠᱚᱠᱚ ᱯᱟᱥᱱᱟᱣ ᱞᱮᱫᱟ ᱢᱩᱦᱟᱢᱢᱟᱫᱽ ᱫᱚ ᱫᱚᱲᱦᱟᱛᱮᱭ ᱯᱟᱥᱱᱟᱣ ᱟᱠᱟᱫᱟ ᱾ ᱤᱥᱞᱟᱢ ᱫᱷᱚᱨᱚᱢ ᱨᱮᱱᱟᱜ ᱢᱩᱬᱩᱛ ᱯᱚᱛᱚᱵ ᱫᱚ ᱠᱳᱨᱟᱱ ᱠᱚ ᱢᱮᱛᱟᱜᱼᱟ ᱾ ᱟᱨ ᱡᱟᱦᱟᱸᱭ ᱤᱥᱞᱟᱢ ᱠᱚ ᱢᱟᱱᱟᱣᱟ ᱩᱱᱠᱩ ᱫᱚ ᱢᱩᱥᱞᱟᱹ ᱠᱚ ᱢᱮᱛᱟᱣ ᱠᱚᱣᱟ ᱾
ᱢᱩᱥᱞᱟᱹ ᱠᱚᱣᱟᱜ ᱫᱷᱚᱨᱚᱢ ᱯᱟᱹᱛᱭᱟᱹᱣ ᱞᱮᱠᱟᱛᱮ ᱟᱞᱞᱟᱜ ᱜᱮ ᱡᱚᱛᱚ ᱾ ᱟᱞᱞᱟᱜ ᱱᱚᱣᱟ ᱫᱷᱟᱹᱨᱛᱤ ᱨᱤᱱ ᱢᱟᱱᱣᱟ ᱞᱟᱹᱜᱤᱫ ᱟᱭᱟᱜ ᱠᱟᱛᱷᱟ ᱠᱚ ᱱᱚᱵᱤ ᱢᱩᱦᱟᱢᱢᱚᱫᱽ ᱛᱟᱞᱟᱛᱮᱭ ᱠᱩᱞ ᱟᱠᱟᱫᱟ ᱾ ᱤᱥᱞᱟᱢ ᱨᱮᱱᱟᱜ ᱫᱷᱚᱨᱚᱢ ᱯᱚᱛᱚᱵ ᱠᱳᱨᱟᱱ ᱫᱚ ᱟᱞᱞᱟᱜᱣᱟᱜ ᱢᱩᱪᱟᱹᱫ ᱠᱟᱛᱷᱟ ᱠᱟᱱᱟ ᱾ ᱱᱚᱣᱟ ᱫᱚ ᱵᱟᱝ ᱠᱮᱭᱟᱢᱚᱛ ᱫᱷᱟᱹᱵᱤᱡ ᱵᱟᱝ ᱵᱚᱫᱚᱞᱚᱜᱼᱟ ᱾ ᱛᱚᱵᱮ ᱟᱦᱚᱢᱮᱫᱤᱭᱟ ᱥᱮ ᱠᱟᱫᱤᱭᱟᱱᱤ ᱤᱥᱞᱟᱢ ᱦᱚᱲ ᱫᱚᱠᱩ ᱢᱮᱱᱟ ᱵᱟᱝᱢᱟ ᱢᱩᱦᱟᱢᱢᱚᱫᱽ ᱫᱚ ᱢᱩᱪᱟᱹᱫ ᱱᱚᱵᱤ ᱫᱚ ᱵᱟᱝ ᱠᱟᱱᱟᱭ ᱾ ᱡᱟᱦᱟᱸᱛᱤᱥ ᱟᱨᱦᱚᱸ ᱟᱴᱟᱜ ᱱᱚᱵᱤᱠᱚ ᱦᱮᱡ ᱫᱟᱲᱮᱭᱟᱜᱼᱟ ᱾
ᱢᱩᱥᱞᱟᱹᱠᱚ ᱫᱚ ᱫᱷᱟᱨᱛᱤ ᱵᱮᱱᱟᱣᱤᱡ ᱢᱮᱱᱛᱮ ᱟᱞᱞᱟᱜ ᱜᱮᱠᱚ ᱢᱟᱱᱟᱣᱮᱭᱟ ᱾ ᱟᱞᱞᱟᱜ ᱜᱮ ᱱᱤᱭᱟᱹ ᱫᱷᱟᱨᱛᱤᱨᱮᱱ ᱡᱚᱛᱚ ᱠᱤᱪᱷᱩ ᱠᱟᱱᱟᱭ ᱾
ᱯᱷᱮᱨᱮᱥᱛᱟ ᱫᱚ ᱟᱞᱞᱟᱜ ᱨᱮᱱ ᱵᱮᱱᱟᱣᱤᱡ ᱠᱟᱱᱟ ᱠᱚ ᱾ ᱩᱱᱠᱩ ᱫᱚ ᱫᱮᱵᱽ ᱫᱩᱛ ᱠᱟᱱᱟ ᱠᱚ ᱾ ᱟᱞᱞᱟᱜ ᱡᱟᱦᱟᱸᱭ ᱦᱩᱠᱩᱢ ᱟᱹᱠᱩᱣᱟ ᱚᱱᱟᱜᱮ ᱱᱩᱠᱩ ᱫᱚᱠᱚ ᱢᱟᱱᱟᱣᱟ ᱾
ᱤᱥᱞᱟᱢ ᱫᱷᱚᱨᱚᱢ ᱨᱮᱱᱟᱜ ᱔ ᱜᱚᱴᱟᱝ ᱥᱮᱨᱢᱟ ᱯᱚᱛᱚᱵᱠᱩ ᱢᱮᱱᱟᱜ-ᱟ ᱾ ᱑ᱹ ᱛᱟᱣᱨᱟᱛ ᱒ᱹ ᱡᱚᱵᱩᱨ ᱓ᱹ ᱤᱧᱡᱤᱞ ᱔ᱹ ᱠᱳᱨᱟᱱ
ᱤᱥᱞᱟᱢ ᱫᱷᱚᱨᱚᱢᱨᱮ ᱕ ᱜᱚᱴᱟᱝ ᱢᱩᱬᱩᱛ ᱥᱟᱛᱚᱢᱠᱚ ᱢᱮᱱᱟᱜᱼᱟ ᱾ ᱑ᱹ ᱠᱟᱞᱮᱢᱟ
᱒ᱹ ᱱᱟᱢᱟᱡᱽ
᱓ᱹ ᱥᱤᱭᱟᱢ
᱔ᱹ ᱡᱟᱠᱟᱛ
᱕ᱹ ᱦᱚᱡᱡᱚ
ᱤᱥᱞᱟᱢ ᱫᱷᱚᱨᱚᱢ ᱯᱟᱹᱛᱭᱟᱹᱣ ᱦᱚᱲ ᱠᱚ ᱱᱟᱱᱟ ᱦᱩᱱᱟᱹᱨ ᱯᱚᱨᱚᱵ ᱠᱚ ᱢᱟᱱᱟᱣᱟ ᱾ ᱑ᱹ ᱤᱫᱩᱞ ᱯᱷᱤᱛᱚᱨ
᱒ᱹ ᱤᱫᱩᱞ ᱟᱡᱽᱦᱟ
᱓ᱹ ᱤᱫ ᱤ ᱢᱤᱞᱟᱫᱩᱱᱱᱚᱵᱤ
᱔ᱹ ᱥᱚᱵᱮ ᱵᱚᱨᱟᱛ
᱕ᱹ ᱥᱚᱵᱮ ᱢᱮᱨᱟᱡᱽ
᱖ᱹ ᱥᱚᱵᱮ ᱠᱚᱫᱚᱨ
This article uses material from the Wikipedia ᱥᱟᱱᱛᱟᱲᱤ article ᱤᱥᱞᱟᱢ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.