Ислам

Ислам (аьрабнал маз لإسلام‎‎‎‎ , al-Islām, «вихшал шаву») ягу Бусурманнал дин — Аллагь цари тӀисса дин, дунияллий цайминнущал аьрхӀал яла чӀяруну кьамул дурсса дин.

Дурсса чичру Аллагь Аьрабнал мазрай.

Исламрал лишан (Барз ва цӀуку)

Ислам дунияллий

Ислам дунияллий

Лакрал буттахъал дин. МухӀаммад Аллагьнал идавсри ва Мунал илчири цинявппагу инсантурачӀан тӀисса. Ислам щаллу дуллайминнайн учайссар бусурман куну (< аьрабнал маз مسلمون муслимуна, «вихшал хьусса»).

Гьанусса яла чанми буржру, хIакьсса бусурманчувнал чара бакъа биттур бан аьркинсса.

Ислам — биттур баву Аллагьнал биттур бан ккаккан бувмур ва уруччаву Аллагьнал уруччин ккаккан бувмуния. Исламрал дуссар ххюра ттарцӀ. Мигу хъанахъиссар бусурмачувнал яла агьамсса, яла гьанусса буржруну.

Исламрал лу — Кьуран. Му бакъа Аллагьнал гьан бувсса ккалли байссар Тора (Таврат), Псалтырь (Забур) ва Евангелие (Инжил). Мунияту жугьутӀигу кашишталгу Аллагьнайн бакъа цайми затиттайн икрам буллайминнавх ккалли къабайссарча, а байссар ккалли «Луттирал агьлукунма».

 

чак

 

ХIаж ягу Оьмра

 

Чак

МухӀаммад-идавслул куну бур ислам дарцӀуну дуссар ххюра зарай:

• Шагьадат (الشهادة) (мазралгу дакӀнилгу кьамул даву): акъассар цучӀав икрам банма, ца Аллагь личӀаннин (Ля иляhа илля Ллаhу) ва МухӀаммад Мунал гьан увсса идавсри [щалавагу инсантурал агьлулучӀан] (ва Мухаммадун расуль уль-Ллаhи);
• Салат (صلاة‎) — чак;
• Савм (صوم‎‎‎‎‎‎) — зума дугьаву Рамазан-зурив;
• Закят (زكاة‎) — закат; мисккинминнан хъус дачӀаву;
• Хадж (حج‎) — хIаж; каши духьурча, Маккалийн хӀажлийн лагаву.

Иман, шивун духлай дуссар:

• Вих шаву Аллагь ца ушив (таухид);
• Вих шаву малаиктал бушив;
• Вих шаву Аллагьнал луттирдайн;
• Вих шаву идавстурайн ва илчитурайн;
• Вих шаву кьияматсса кьини дучӀаншив;
• Вих шаву гьарца затрайт Аллагьнал кьадар душив.
• Вих шаву ивчӀайххту кӀилчинмур оьрмугу бикӀаншив.

 

Кьуран

 

Сура аль-Фатиха

Исламрал цинярдарагу низамирттайн учайссар шариаьт куну, ва ми дуссар дарцӀуну Кьурандалий, МухӀаммад-идавсил сунналий ва цинявппагу бусурманнал аьлимтал бавцӀумуний (иджма).

Инсантурал тӀуллу ххюра журалул дикӀайссар: хӀарам (къабучӀимур), карагьат (къахъинмур), мубах (бучӀимур), мандуб (хъинмур) ва фард (чара бакъамур).

• СуннитӀтал
• ШиитӀтал

Ислам дарцӀусса луттирду:

• 1. Аллагьнал лу — Кьуран;
• 2. МухӀаммад-идавслул сунна (ссалам мунан ва Аллагьнайту ссалават), хавардайну бусласисса цимивагу луттирдаву. Ми луттирдавату яла кӀулми:

• а) «Аль-Джами ас-Сахих» (тӀайласса хӀадисру цачӀун бувсса лу) имам Бухарийнал,
• б) «Аль-Джами ас-Сахих» (тӀайласса хӀадисру цачӀун бувсса лу) имам Муслимлул,
• в) «Китаб ас-Сунан» (суннатрал лу) имам Абу Давудлул,
• г) «Китаб ас-Сунан» (суннатрал лу) имам ибн Маджилул,
• д) «Аль-Джами аль-Кабир» (хъунмасса хӀадисру цӀачӀун бувсса лу) имам ат-Тирмизилул,
• е) «Китаб ас-Сунан аль-Кубра» (суннатрал хъунмасса лу) имам Насаилул.

• Викискладрай медиафайлру
• Исламрал сайт