Ruggyr
She enmys co-chadjin eh ruggyr, ny rugbee keayrtyn, ta çheet er possan ny spoyrtyn fwirranagh ruggyr unnaneys as ruggyr straih, chammah as ny sorçhyn lheah jeh'n vluckan coshey, myrane lesh bluckan coshey Austrailagh as bluckan coshey croe, dirree ass.
Va'n daa horçh dy vluckan coshey croe - bluckan coshey Canadagh as bluckan coshey Americaanagh - coontit myr sorçhyn dy ruggyr keayrt, agh cha nel ad coontit myr shen jiu. Va corpane stiuree y vluckan coshey Canadagh, Football Canada, goll er enney myr Canadian Rugby Union ("Unnaneys Ruggyr y Chanadey") cha moal as 1967, ny smoo na 50 bleeaney lurg ren y spoyrt scarrey magh voish reillyn ruggyr unnaneys as reillyn ruggyr straih.
T'eh creidit dy hoshee y ruggyr mysh y vlein 1845 ayns Scoill Rugby ayns Rugby, Warwickshire, Sostyn, ga dy row sorçhyn ennagh dy vluckan coshey ayn voish ny Mean Eashyn raad va'n bluckan ymmyrkit ry laue as tilgit. Va'n ruggyr scarrit magh ayns daa spoyrt ayns 1895 tra ren un chlub as feed scarrey magh voish Unnaneys Bluckan Coshey Ruggyr son dy chroo Unnaneys Twoaieagh y Vluckan Coshey Ruggyr (va aa-enmyssit myr y Straih Vluckan Coshey Ruggyr ayns 1922) ayns y George Hotel, Huddersfield, fo eeckyn dys cloiederyn. Er-yn-oyr shen, she ruggyr straih va'n chied horçh dy vluckan coshey dy ve ny spoyrt keirdey. Dirree er ruggyr unnaneys dy ve ny spoyrt keirdey keead bleeaney ny s'anmey ayns 1995, lurg Cappan y Theihill 'sy Ruggyr, 1995 'syn Affrick Yiass. T'ad ny corpaneyn stiuree na World Rugby (ruggyr unnaneys) as Co-chiangle Eddyr-ashoonagh y Ruggyr Straih (ruggyr straih).
Imraaghyn
Kianglaghyn magh
| She bun ta'n art shoh. Cur rish, son foays y yannoo da Wiki. |
This article uses material from the Wikipedia Gaelg article Ruggyr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.