Nasa: Jantys spoar as etlanys Americaanagh

Ren yn National Aeronautics and Space Act ("Slattys ry hoi'n Etlanys as y Spoaraght Ashoonagh") cur NASA er bun er 29 Jerrey Souree 1958 myr ynnydagh er yn National Advisory Committee for Aeronautics ny NACA ("Bing Coyrlee Ashoonagh son yn Etlanys"). Hoshee obbraidyn y jantys er 1 Jerrey Fouyir 1958. Veih'n lhing shen ta eiyrtyssyn ronsey spoar jeh ny Steatyn Unnaneysit er ny gholl fo stiurey NASA da'n chooid smoo, goaill stiagh tarlheimyn Apollo er yn Eayst, y stashoon spoar Skylab, as y Spaal Spoar. Ec y traa t'ayn ta NASA cur pohlldey da'n Stashoon Spoar Eddyr-ashoonagh as freayll rick er yn Orion Multi-Purpose Crew Vehicle as er carbid yn Commercial Crew Development. Ta'n jantys freggyrtagh er son y Launch Services Program ("Claare Shirveishyn Lhunnee") as y chlaare shen kiarail oaseiraghey er obbraidyn lhunnee as stiurey co-earroo sheese da lhunnaghyn NASA gyn skimmee.

Ta NASA jeeraghey yn obbyr echey er toiggalys share er y Chruinney liorish yn Earth Observing System, er cur er oaie yn heliofishag liorish yn Heliophysics Research Program, er corpaneyn er feie Chorys ny Greiney liorish mishoonyn robotagh lheid as New Horizons, as er ronsaghey bun-chooishyn yn 'ishag rollageagh, lheid as y Bleaystey Mooar, liorish Great Observatories as claareeyn elley bentyn rish.

 

Ta tooilley mean ayns Wiki Commons bentyn rish: NASA.

• Ynnyd-eggey oikoil NASA