Trapez Am Orion
D'Trapez (och θ1-Orionis) ass en optesche Méifachstär am Orionniwwel.
Et besteet aus véier Stären, déi all physesch Méifachstäre sinn. Tatsächlech ass d'Trapez déi hellst Komponent vun engem Oppene Stärekoup mat enger grousser Stärendicht, den Orion-Trapezium-Koup mat engem Duerchmiesser vu ronn 1,5 Liichtjoer am Zentrum vum Orionniwwel.
Astronomesch Bedeitung
D'Trapezstären hu sech viru ronn 300.000 Joer direkt aus dem Material vum Orionniwwel geformt a reegen hien haut duerch Ionisatioun zum Liichten un. Si dreiwen d'Gas- a Stëbswollek duerch hire Stärewand auserneen a loossen eng sphäeroid Hielecht entstoen, där hire Kär vun der Ionisatiounsstralung opgehellt gëtt a sou deen Deel vum Orionniwwel formt, dee vun der Äerd aus däitlech ze gesinn ass. D'Stären am Trapez hunn tëscht 15 a 40 Sonnemassen. Den Trapeziumkoup ass eng jonk Ënnergrupp vum groussen Orionniwwel-Koup, deen aus ongeféier 2000 Stären, verdeelt iwwer nëmme ronn 20 Liichtjoer, besteet.
| Stär | Spektralklass | Visuell Magnitude | Bemierkung |
|---|---|---|---|
| θ1 Orionis A (V 1016 Ori) | B1 | 6,7 | Bedeckungsverännerleche Duebelstär |
| θ1 Orionis B (BM Ori) | B0 | 8,0 | Véierfachstär |
| θ1 Orionis C | O6 | 5,1 | Duebelstär, hellste Stär am Trapez |
| θ1 Orionis D | B0,5 | 6,7 | Duebelstär |
Entdeckungsgeschicht
Am Joer 1610 hat de franséischen Astronom Nicolas-Claude Fabri de Peiresc säin Teleskop als éischten op dës Regioun geriicht. Hie gëllt haut als Entdecker vum Trapez. E puer Joer méi spéit, 1617 huet och de Galileo Galilei déi Regioun observéiert. Seng Observatiounen hat hien ausféierlech an engem Notizbuch ageschriwwen. Vum Trapez hat hien déi dräi hellst Komponenten A, C an D festgehalen. Hien hat vermierkt, datt vun de Komponenten A an D ongeféier eng sou hell wéi déi aner ass, an zu der Komponent C de selwechten Ofstand hätt. Weider leien d'Komponenten A an D sou no beim C, datt se dee praktesch beréieren. Domat war Theta 1 Orionis den éischte Stär, dee mat engem Teleskop an e puer Komponenten opgeléist gouf.
Am Joer 1656 huet den hollänneschen Astronom Christiaan Huygens den Orionniwwel observéiert. Duerch seng Zeechnung hat de Christiaan Huygens bis an d'19. Joerhonnert als den Entdecker vum Orionniwwel an dem Trapez gegollt. Allerdéngs hat hien - wéi schonn de Galileo Galilei virdrun - vun den eigentlechen Trapezstären, der och nëmmen dräi gesinn. 1673 huet den Abbe Jean Picard e véierte Stär am Kär vum Niwwel entdeckt. Och de Christiaan Huygens huet dee Stär am Joer 1684 gesinn an huet déi Grupp "Trapezium" genannt.
Kuckt och
Um Spaweck
| Commons: Trapez (Astronomie) – Biller, Videoen oder Audiodateien |
Referenzen
This article uses material from the Wikipedia Lëtzebuergesch article Trapez am Orion, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.