Jean-Luc Dehaene
De Jean-Luc Joseph Marie Dehaene, gebuer de 7.
August">7. August 1940 zu Montpellier, am franséischen Departement Hérault, a gestuerwen de 15. Mee 2014 zu Quimper, war e belsche Politiker, Member vun der flämescher chrëschtlech-sozialer Partei CD&V, an am Europaparlament vun der Europäescher Vollekspartei (EVP).
| Jean-Luc Dehaene | |
|---|---|
.jpg) | |
| Gebuer | 7. August 1940 Montpellier |
| Gestuerwen | 15. Mee 2014 Quimper |
| Doudesursaach | Bauchspäicheldrüsekriibs |
| Nationalitéit | Belsch |
| Educatioun | Universitéit vun Namouer |
| Aktivitéit | Politiker |
 | |
Hien huet eng Licence an Droit an an Ekonomie op den Universitéite vun Namouer a vu Léiwen gemaach. Hie war ë. a. belsche Premierminister vun 1992 bis 1995 a vun du bis 1999 (Regierungen Dehaene I an II), a Vizepresident vum Europäesche Konvent, dat den Europäesche Verfassungstraité ausgeschafft huet (an deen 2005 verworf gouf).
1999 gouf seng Partei, geschwächt vum sougenannten Dioxinskandal, net méi an eng Regierungskoalitioun agebonnen, an den Dehaene gouf 2000 zum Buergermeeschter vu Vilvoorde gewielt (2006 erëmgewielt, 2007 demissionéiert), enger Gemeng am flämesche "Rand" vu Bréissel.
De Jean-Luc Dehaene blouf awer nach Deputéierten an der Chamber, a gouf dunn 2004 an d'Europäescht Parlament gewielt, wou e bis zum Enn vu sengem Liewen Deputéierte war. 2008 gouf hie President vum Verwaltungsrot vun der Dexia-Bank, nodeem déi an d'Labränte gerode war a vum belschen a lëtzebuergesche Staat huet misse rekapitaliséiert ginn. Och war hien a verschiddene Verwaltungsréit, wéi deem vun InBev.
Ausserdeem war hie Member vum Think Tank Les Amis de l'Europe.
This article uses material from the Wikipedia Lëtzebuergesch article Jean-Luc Dehaene, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.