George Van Biesbroeck
De George-Achille Van Biesbroeck, spéider George A.
Van Biesbroeck, gebuer den 21. Januar 1880 zu Gent a gestuerwen den 23. Februar 1974 war en US-amerikaneschen Astronom deen an der Belsch als Georges-Achille Van Biesbroeck op d'Welt koum, a sech awer no der Emigratioun an d'USA George A. Van Biesbroeck genannt huet.
| George Van Biesbroeck | |
|---|---|
 | |
| Gebuer | 21. Januar 1880 Gent |
| Gestuerwen | 23. Februar 1974 Tucson |
| Nationalitéit | USA, Belsch |
| Aktivitéit | Astronom |
 | |
| (990) Yerkes | 23. November 1922 |
| (993) Moultona | 12. Januar 1923 |
| (1024) Hale | 2. Dezember 1923 |
| (1027) Aesculapia | 11. November 1923 |
| (1033) Simona | 4. September 1924 |
| (1045) Michela | 19. November 1924 |
| (1046) Edwin | 1. Dezember 1924 |
| (1079) Mimosa | 14. Januar 1927 |
| (1270) Datura | 17. Dezember 1930 |
| (1312) Vassar | 27. Juli 1933 |
| (1464) Armisticia | 11. November 1939 |
| (2253) Espinette | 30. Juli 1932 |
| (2463) Sterpin | 10. Mäerz 1934 |
| (3211) Louispharailda | 10. Februar 1931 |
| (3378) Susanvictoria | 25. November 1922 |
| (3641) Williams Bay | 24. November 1922 |
Hien hat de periodesche Koméit 53P/Van Biesbroeck entdeckt, geneesou wéi déi netperiodesch Koméiten C/1925 W1 (Van Biesbroeck 1) an C/1935 Q1 (Van Biesbroeck 2). Doriwwer eraus hat e 16 Asteroiden entdeckt (kuckt Këscht lénks).
Am Ufank war hien Ingenieur, huet awer dee Beruff opginn an huet bei de Staff vum kinneklechen Observatoire vun Uccle gewiesselt.
1915 war den Éischte Weltkrich an Europa. De Van Biesbroeck krut eng Invitatioun, fir um Yerkes-Observatoire am Wisconsin ze fuerschen. Well hie seng Famill konnt mathuelen, ass hien dorop an d'USA ëmgesidelt. Um Observatoire huet hien dunn um Gebitt vun Duebelstären, Koméiten, Asteroiden a verännerleche Stäre geschafft. 1945 goung hien offiziell a Pensioun, wat hien a sengen Aktivitéiten awer net gehënnert huet. 1963 wiesselt hie bei de Lunar and Planetary Laboratory op Tucson a schafft do ënner dem Gerard Kuiper weider.
Éierungen
De Van Biesbroeck krut 1957 d'James-Craig-Watson Medail. Ausserdeem gouf den Asteroid (1781) Van Biesbroeck an e Moundkrater Van Biesbroeck no him genannt. Dee vun him entdeckte Rouden Zwerg VB 10 (Wolf 1055 B) gëtt heiansdo och no him Van Briesbroeck Stär genannt. De George Van Biesbroeck Prize (George-Van-Biesbroeck-Präis), deen d'American Astronomical Society vergëtt, ass och no him genannt.
Kuckt och
This article uses material from the Wikipedia Lëtzebuergesch article George Van Biesbroeck, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.