D'Galápagosinselen (op Spuenesch Islas Galápagos, offiziell Archipiélago de Colón) bilden en Archipel vu vulkaneschen Inselen am Pazifeschen Ozean ëm den Equator, ronn 1.000 km westlech vum Land Ecuador.
Galápagosinselen | |
---|---|
Geographie | |
Land | Ecuador |
Läit an/am | Pazifeschen Ozean |
Koordinaten | 0°40'0"S, 90°33'0"W |
Fläch | 7.880 km² |
Verwaltung | |
Verwaltungseenheet | Provënz Galápagos |
Demographie | |
Awunner | 25.000 |
Awunnerdatum | 2010 |
Aner Informatiounen | |
Entdeckt | 10. Mäerz 1535 (julianesch) |
Zäitzon | UTC−6 |
Den Archipel besteet aus 19 méi oder manner groussen, an Dosende vu verstreete, klenge bis winzegen Inselen, déi zesummen eng Provënz, mat der Haaptstad Puerto Baquerizo Moreno, vun Ecuador bilden. Nëmme véier Insele si bewunnt, mat zesummen 30.000 Awunner.
Den Numm Galápagos kënnt vum Spuenesche galápago, Suedel, dëst wéinst der opfälleger Suedelform vum Panzer vun enger Partie vun de Rise-Landschildkröten op den Inselen.
De ganzen Archipel, zesumme mat dem Mier ronderëm, gehéiert zum Galápagos-Nationalpark, dee streng geschützt ass.
D'Galápagosinsele si berüümt wéinst hire villen endeemeschen Aarten (Aarten déi nëmmen do virkommen) an och wéinst dem Openthalt vum Charles Darwin am Joer 1835, deen do e wichtegen Ustouss fir d'Opstelle vu senger Evolutiounstheorie fonnt huet.
Insel | Engl. Numm | Héchste Punkt | Héicht [m] | Fläch [km²] |
---|---|---|---|---|
Isabela | Albemarle | Wolf | 1.707 | 4.588,1 |
Santa Cruz | Indefatigable | Cerro Crocker | 864 | 985,6 |
Fernandina | Narborough | La Cumbre | 1.476 | 642,5 |
San Salvador | James | Cerro Pelado | 907 | 584,7 |
San Cristóbal | Chatham | Cerro San Joaquín | 730 | 558,1 |
Floreana | Charles | Cerro Pajas | 640 | 172,5 |
Marchena | Bindloe | 343 | 130,0 | |
Española | Hood | 206 | 60,5 | |
Pinta | Abington | 777 | 59,4 | |
Baltra | South Seymour | … | 26,2 | |
Santa Fé | Barrington | … | 24,1 | |
Pinzón | Duncan | 458 | 18,2 | |
Genovesa | Tower | 64 | 14,1 | |
Rábida | Jervis | … | 5,0 | |
Seymour Norte | North Seymour | … | 1,8 | |
Wolf | Wenman | 253 | 1,3 | |
Tortuga | Brattle | … | 1,3 | |
Bartolomé | Bartholomew | 114 | 1,2 | |
Darwin | Culpepper | 165 | 1,1 |
Ënnert de ville klengen Insele sinn d'Daphne-Inselen (virun allem Daphne Major), Plaza Sur, Isla Sin Nombre an den isoléierte Roca Redonda, eng Plaz wou Vulle gezillt ginn, nennenswäert
Commons: GalapagosGalápagosinselen – Biller, Videoen oder Audiodateien |
This article uses material from the Wikipedia Lëtzebuergesch article Galápagosinselen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.