Bluttbuch Zu Boufer: Deel vun de bemierkenswäerte Beem zu Lëtzebuerg

cv. purpurea), déi virum Altersheem am Park zu Boufer stoung.

Bluttbuch zu Boufer
D'Bluttbuch am Fréijoer, vum Altersheem aus gesinn. Am Hannergrond: d'Boufer Kierch. (Mee 2008)
Kategorie	Bemierkenswäert Beem zu Lëtzebuerg
Land	Lëtzebuerg
Gemeng	Luerenzweiler
Plaz	Boufer
Koordinaten	49°41'20,000"N, 6°8'21,001"O
Status	Zousazinventaire vun de klasséierte Monumenter
Zerstéiert	2022

Si ass 2022 ewechgeholl ginn.

Si huet, wéi se nach stoung, als déi schéinst Bluttbuch zu Lëtzebuerg gegollt an ass duerch hir gewalteg a gutt proportionéiert Kroun opgefall. Schonn op enger Héicht vun 2 m hu sech d'Äscht a voller Breet ausgestreckt. Op enger Héicht vu ronn 1 m ass e 'Rëss' ronderëm de Stamm gelaf, warscheinlech den Usaz wou d'Kroun opgeprafft gouf (Modert 1962).

D'Buch stoung an enger klenger Sank déi fir si beim Bau vum Altersheem amenagéiert gouf.

D'Bluttbuch zu Boufer stoung um Inventaire supplémentaire des monuments nationaux (arrêté ministériel vum 29. Mäerz 1974).

De Bam huet sech follgendermoossen entwéckelt:

Ongeféier Moosse vum Bam (m)

Joer	${\displaystyle U}$	${\displaystyle d}$	${\displaystyle h}$
1958	5,00	1,59
1980	5,60	1,78	25,00
2000			30,00

2022 gouf d'Bluttbuch gefällt. Si ass och net méi op der Lëscht vun de klasséierte Monumenter ze fannen.

Am Boufer Park sti follgend aner al bemierkenswäert Beem:

• Grupp vu véier Bluttbuchen;
• Trauerbuch mat engem queeschen Aascht dee mat Stäipe geséchert ass.

• Sinner, J. et al., 2002. Les arbres remarquables. Administration des Eaux et Forêts. Musée national d'histoire naturelle. 255 S. (Cf. S. 80-81, Text a Foto).
• Administration des eaux et forêts, 1981. Arbres remarquables du Grand-Duché de Luxembourg. Imprimerie Saint-Paul, 167 S. (Cf. S. 52-53, Foto an Text).
• Paul Modert, 1962. Die Baumriesen des Luxemburger Landes. Erster Teil. Die Eichen, Linden und Buchen. 32 S. Broschür ouni Numm vum Éditeur a vun der Dréckerei. (Cf. S. 19, Foto S. 20).

• Bemierkenswäert Beem zu Lëtzebuerg
• Lëscht vun den nationale Monumenter an der Gemeng Luerenzweiler

• Inventaire supplémentaire des monuments nationaux