Tokelau est territorium quod in tribus atollis in Oceano Pacifico Australi consistit, a Nova Zelandia gubernatum.
Numerus civium est minus quam 1500 hominum, qui tres vicos in insulis habitant, et Tokelauana Anglicaque utuntur.
Quamquam fono rem publicam insularum administrat, Consociatio Nationum Tokelau designavit unum e Territoriis Quod Non Se Gubernant. Praesens rei publicae caput (Tokelauane: Ulu o Tokelau) est Pius Tuia (natus 1931); administrator, David Bruce Payton (natus circa 1952).
Carmen publicum est "God Save the Queen," nam Elizabeth II, regina Nova Zelandiae, est caput civitatis.
Secundum vocabulum tokelau (Polynesiane, 'ventus septentrionalis'), a maioribus posteris traditum, Atolla Tokelauensia Samoam in australi aspicunt. Obsoletum insularum nomina, quae olim ad coloniam pertinuerunt, sunt Union Islands (Insulae Iunctionis) et Union Group (Circulus Iunctionis). Nomen publicum Tokelau Islands (Insulae Tokelauenses) anno 1946 ascitum est, quod simpliciter Tokelau die 9 Decembris 1976 commutatum est.
Tokelau amplectitur Atafu, Nukunonu, et Fakaofonem, tropicalia curalii atolla in Oceano Pacifico Australi inter 171° et 173° W longitudine et 8° et 10° S latitudine, fere medio inter Havaios et Aotearoam.
Indicia archaeologica monstrant homines atolla Tokelauensia—Atafu, Nukunonu, Fakaofo—abhinc annorum 1000 fere habitare coepere, ut videtur a Samoa, Insulis Cook, et Tuvalu navigantis. Historia oralis traditiones loci et genealogias ex aliquot saecula memorat.
This article uses material from the Wikipedia Latina article Tokelau, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.