Cucurbita est genus herbacearum scansoriarum familiae Cucurbitacearum, in Andibus et Mesoamerica indigenarum.
Ex quibus quinque species per orbem terrarum propter fructus edules, qui cucurbitae, pepones, gurdaeve appellantur, et propter semina, coluntur. Primum in America excultae, deinde in Europam ab exploratoribus Novi Mundi reportatae, nunc in multis locis sunt magni fontes cibi humani et olei.
Plantae facie et usu similes, eiusdem familiae ac Cucurbita, Veteris Mundi indigenae, sunt generum Lagenariae, Citrulli, ac Cucumis. Hae erant cucurbitae, melones, peponesque Romanis antiquis notae.
Species utiliores, late cultae, sunt Cucurbita maxima in America australi domesticata, C. moschata et C. pepo media in America domitae. Alicubi C. argyrosperma, C. ficifolia, rarius aliae species coluntur. Colonus Thomas Harriot, in Virginia saeculo XVI exeunte profectus, species plures huius generis ab indigenis cultas visit: erant cuius fructus unum mensem, erant qui duos menses maturabant.
Hodie in Civitatibus Foederatis pepones Americani in Pervigilio Omnium Sanctorum publice ostenduntur.
Situs scientifici: Tropicos • Tela Botanica • GRIN • ITIS • NCBI • Biodiversity • Encyclopedia of Life • Plant Name Index • Plantes d'Afrique • Flora of China • Flora of North America • USDA Plants Database |
This article uses material from the Wikipedia Latina article Cucurbita, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.