Carbohydratum, sive hydratum carbonii rite descriptum, in chemia organica est biomolecula cuius formula empirica Cm(H2O)n est; hoc est, hydratum carbonii in carbonio, hydrogenio, oxygenio consistit, ubi ratio atomica duorum ultimorum est 2:1.
In naturae conformatione, hydrata carbonii accuratius aldehyda polyhydroxia et ketona appellantur.
Hydratum carbonii est dictio, quae frequentissime in biochemia adhibetur, ubi idem significat ac saccharidum. Hydrata carbonii (saccharida) in quattuor greges chemicos dividuntur, qui sunt monosaccharida, disaccharida, oligosaccharida, polysaccharida. In universum, monosaccharida et disaccharida, quae sunt minora (inferiore pondere moleculari) carbonii hydrata, usitate saccharida appellantur. Vocabulum saccharidi a Graeco σάκχαρον 'saccharum' deductum est. Cum scientificum carbohydratorum vocabularium multiplex sit, nomina monosaccharidorum disaccharidorumque saepissime suffixo -osum simpliciter terminantur. Itaque saccharum sanguinis est monosaccharidum glucosum, saccharum mensae est disaccharidum sucrosum, et saccharum lactis est disaccharidum lactosum.
Chemia hydratorum carbonii est pars gravis chemiae organicae, et quidem ea, quae magnum ad oeconomiam conferat. Inter praecipuas reactiones organicas quae hydrata carbonii tractant sunt hae:
Vicimedia Communia plura habent quae ad Carbohydrata spectant. |
This article uses material from the Wikipedia Latina article Carbohydratum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.