Anarchismus (ex Graeco ἀν 'sine' + ἄρχειν 'regnare' + ισμός 'sine archontibus', 'sine rectoribus') est philosophia politica de theoriis animisque quae civitatem sui iuris considerat inutilem, supervacuam, noxiamque, omnem involuntariam vel stabilem auctoritatem repudians, et anarchiam (societatem sine gubernatione) promovet.
Hi fontes anarchismum appellant philosophiam rerum politicarum (Johnston 2000, Mclaughlin 2007, Slevin 2003). Anarchistae coactam civitatem reiciunt, et igitur auctoritatem in quotidiana hominum vita deminuere vel etiam abolere conantur et gubernationis exstinctionem petunt. Sunt multa anarchismi genera et mores, quorum non omnes inter se differunt, et praeterea discrepat inter scriptores num additae normae in anarchismo postulandae sint. Fautores anarchismi, "anarchistae" appellati, societates sine civitate suadent secundum instituta quae societates voluntariae et non hierarchicae sunt.
Sunt multa anarchismi genera et memoriae, quarum non omnes inter se exclusivae.
Theoria et praxis anarchismi hodierni Aevo Illuminationis, ut videtur, inceptum habuerunt. Sunt autem qui constant omnes homines voluntatem libertatis habere, et multas societates priscas sine civitate nec auctoritate floruisse. Nihilominus, inter res novas Francicas theoria anarchismi primum enuntiata est. Antea verbum "confusio" vel "licentia effrenata" significabat.
Paulo postea Anna Hutchinsonia in Rhodensi Insula colonia Americana societatem anarchicam creavit, nunc oppidum Portum Ostium.
Gulielmus Godwin conditor philosophiae anarchismi dicitur. Liber eius anno 1793 scriptus, cuius titulus est Enquiry concerning Political Justice, and its Influence on General Virtue and Happiness ('Quaestio de iure politico quod virtutem et felicitatem impellat'), dicit omne regnum malum esse.
Vide Anarchismus in Victionario. |
Vicicitatio habet citationes quae ad Anarchismum spectant. |
This article uses material from the Wikipedia Latina article Anarchismus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.