Paulus III, nomine nativo Alexander Farnesius (die 29 Februarii 1468 Canino Latii natus; die 10 Novembris 1549 mortuus) fuit papa catholicus, episcopus Romanus a die 13 Octobris 1534.
Pontificatus
Insignia heraldica
Familia matris Alexandri Farnese, Iohannae Caetani, Ecclesiae iam Papam Bonifacium VIII donaverat. Innocentio VIII regnante, Alexander Farnese Protonotarius Apostolicus nominatus est. Anno 1493 Alexander Farnese Cardinalis Sanctae Romanae Ecclesiae et anno 1499 episcopus a papa Alexandro VI, sororis eius Iuliae amante, creatus est, sed solum anno 1519 presbyter ordinatus est. Anno 1509 a papa Iulio III episcopus Parmae et postea a papa Clemente VII episcopus Ostiae factus est.
Paulus III contra protestantes et pro emendatione Ecclesiae catholicae pugnavit. Die 30 Augusti 1535 Bullam Eius qui immobilis promulgavit, qua Henricum VIII, regem Angliae et eius futores damnavit. Die 2 Iunii 1537 Bullam Sublimis Dei, qua abrogationem servitutis Indi Americani postulavit. Die 27 Septembris 1540 Bulla apostolica Regimini militantis Ecclesiae ordinem Societatis Iesu approbavit. Die 21 Iulii 1542 Paulus III cum constitutione Licet ab initio Congregationem Romanae et universalis Inquisitionis (hodie Congregationem pro doctrina fidei) condidit, ut haec congregatio Ecclesiam a haeresibus defenderet. Anno 1545 semper pro emendatione Ecclesiae Concilium Tridentinum constituit. Eodem anno Paulus III novam civitatem Ducatum Parmae et Placentiae in Italia septemtrionale condidit. Primus dux filius papae Petrus Ludovicus Farnese fuit.
Vicimedia Communia plura habent quae ad Paulum III spectant. |
This article uses material from the Wikipedia Latina article Paulus III, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.