Wosa gori a'n oy, tykki Duw yw pryv del a dheber meur a dhel, ha a janj dhe hwiler (chrysalis) kyns dos yn mes a'n hwiler wosa nebes seythennow gans eskelli.
Yn fenowgh, yma dhedha eskelli liwus, meur. Y'n bagas ma kevys yw tykkiow Duw (ughdeylu an Papilionoidea), an pennogyon (ughdeylu Hesperioidea) ha'n godhanes - tykkiow Duw (ughdeylu Hedyloidea). Skant yw an niver a venhesennow, drefen bos aga eskelli mar danow ha hedor, mes prederys yw an urdh dhe esplegya nans yw 40-50 milvil bledhen.
Nebes tykkiow Duw a dhivro, h.y. ow vyajya milyow a vildiryow dres an hav; rag ensampel, an myghtern (egh. Danaus). Drefen aga gallos dhe janjya dhyworth unn studh dhe studh aral, ha drefen tekter aga liwyow ha'ga neyj, imach gerys da yns i yn lien hag artys erel. Konsidrys yw nebes anedha avel pla drefen i dhe dhybri losow kegin. Tro aral, aga freves del a dheber eghennow erel konsidrys avel pla aga honan.
Hwithrans re dhiskwedhas leheans yn niveryow a 71% a eghennow tykkiow Duw yn Breten Veur a-dhia 1983 dhe 2003.
Eghennow yn Kernow
Eghennow a dykkiow Duw a welir yn Kernow a gomprehend an re a sew:
Argus gell (Aricia agestis: Brown Argus)
Losek (Hipparchia semele: Grayling)
Lost an golm (Macroglossum stellatarum: Hummingbird Hawkmoth)
This article uses material from the Wikipedia Kernowek/Karnuack article Tykki Duw, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.