Elven gymyk yw bromin, niver 35 y'n Vosen Beriodek.
Y furvell yw Br. An hanow a dheu dhyworth an ger Greka bromos, ow styrya fler.
Ensampel a | Elven gymyk |
---|---|
Klass | dialkan diatomek, dialkan, bagas 17, substans gymyk |
Dydhyas diskudhans | 1825 |
Niver atomek | 35 |
Elektronegedhegedh | 3 |
Rann a | period 4, bagas 17 |
Restrennow kelmys war Gemmyn Wiki |
Peryllus ha dasoberus yw bromin. Pur gesknius yw, hag y ethen owth omsettya war'n lagasow ha war'n skevens. Fest gwenonek yw, le ages 100mg yw dogen merwel. Nyns eus gans bromin rann bewoniethel. Y'n 19ves kansvledhen, medhogyon a worhemynna holanow bromid rag kudynnow nervus (hevelep orth kalmydhyon ens dhe bobel Oos Viktoria). Ny worhemynnys yns lemmyn drefen aga bos nebes gwenonek.
Antoine-Jerôme Balard (1802-1876) a dhiskudhas bromin yn 1826 yn Montpellier, Pow Frynk. Ev a vynnas an hanow muride, mes an Akademi Frynkek a erviras war an hanow bromin.
Tennys yw bromin yn mes a dhowr an mor yn diwysyansek. Y'n termyn eus passyes askorrys o bromin yn Kembra, yn Enys Môn. Ysrael a askorr meur anedha drefen halonekter an Mor Marow. Usys yw dhe wul kesstoffow organobromo, y'n diwysyansow ladher treghviles, yn difudhellow tan ha medhegieth. An devnydh a organobromin rag difudhellow tan ha methyl bromid rag plaladhoryon a leha drefen prederow a-dro dhe'n nivel ozon.
Poos atomek bromin yw 79.90, an poynt teudhi yw -7°C ha'n poynt bryjyon yw 59°C. Y dhosedh yw 3.1kg an liter. Lin rudh fler yw bromin. Yth esa atomow bromin yn rann a'n liw usys dhe wul Tyrian purple. Kevys o an liw purpur dhyworth kregyn Murex, hag usys o gan emperours rag aga thogaow.
This article uses material from the Wikipedia Kernowek/Karnuack article Bromin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.