ჩეჩნეთიშ რესპუბლიკა ვარა ჩეჩნეთი (ჩეჩენ.Нохчийн Республик, Нохчийчоь) — რუსეთიშ ფედერაციაშ სუბიექტი, მიშმურს ოორუე კავკაციაშ ფედერალური ოკრუგიშ აკოდგინალუაშა.
ნანანოღა — გროზნო. უხურგანს ინგუშეთი, ოორუე ოსეთი, სტავროპოლიშ აკანი, დაღესტანი დო საქორთუო. დირსხუ 1922 წანაშ 30 გერგობათუთას.
გერბი | შილა |
ქიანა | რუსეთი |
ჰიმნი: | ჩეჩნეთიშ ჰიმნი |
სტატუსი | რესპუბლიკა |
მიშმურს | ოორუე კავკაციაშ ფედერალური ოკრუგი
|
ფორჷნს | 15 რაიონს დო 3 რესპუბლიკურ შანულობაშ ნოღას |
ადმინ. ცენტრი | გროზნო |
შხუ ნოღეფი | გროზნო, ურუს-მარტანი, შალი, გუდერმესი |
დორსხუაფაშ თარიღი | 9 ღურთუთა, 1993 |
მადუდე | რამზან კადიროვი |
ოფიც. ნინეფი | ჩეჩენური, რუსული |
მახორობა (2023) | 1 533 209 (71-ა აბანი) |
მეჭედალა | 94,81 კოჩი/კმ² |
ფართობი | 16 171 კმ² |
ბორჯიშ ორტყაფუ | UTC+3 |
კოდი ISO 3166-2 | RU-CE |
ოტელეფონე კოდი | +7 871 |
[www.chechnya.gov.ru/ ოფიციალური ვებ-ხასჷლა] |
ჩეჩნეთი იდვალუაფუ ოორუე კავკაციას.
რუსეთ-ჩეჩნეთიშ ირალი ურთიართალაშ დოჭყაფა 1567 წანას ორხველჷ, მუჟამ სუნჯა-თერგიშ მიშაკათაფუწკჷმა მაართა რუსულ ჯიხაქ გორჩქინდჷ. თე რსხუქ მაღალ სახენწჷფოებურ დონეშა 1588 წანას ეშართჷ, მუჟამ მოსკოვს მაართა ჩაჩნურ ელჩობაქ ახოლჷ ბატა-მურზა ოკოცელიშ დუდალათ. ფორმალურო ვიზიტიქ ითუ ჩეჩნეთიშ ართ-ართი ფეოდალურ საფლობელოს დო მოსკოვიშ თარს შქას ვასალური ურთიერთალეფიშ ფორმებათ.
ჩაჩნეთიშ დიდი ნორთიქ რუსეთიშ აკოდგინალუაშა XIX ოშწანურს მიშელჷ. 1860 წანას იმპერატორ ალექსანდრე II-აშ ზოჯუათ ოორუე კავკაციაშ ბჟაეიოლ ნორთის თერგიშ ოლქიქ გიჭყჷ, ნამუშ აკოდგინალუაშა ჩაჩნეთიშ, იჩქერიაშ, ინგუშეთიშ დო გვალაშ ოლქეფქ მიშელჷ.
სხუნუეფიშ ნწყილობაშ მოულაშ უკული, 1920 წანაშ მელახის თერგიშ ოლქიქ გეუქვჷ დო ჩაჩნეთიშ (იჩქერიულწკჷმა გოართოიანაფილი) დო ინგუშეთიშ (გვალამწკჷმა გოართოიანაფილი) ოლქეფქ ზოხორინელ ტერიტორიულ ართურეფო აკიქიმინჷ.
ართ წანაშ დუს, 1921 წანაშ 20 ღურთუთას, ჩეჩნეთიქ დო ინგუშეთიქ ყარაჩაი-ჩერქეზეთწკჷმა, ყაბარდო-ბალყარეთწკჷმა დო ოორუე ოსეთწკჷმა ართო მიშართეს ახალგოჭყაფილ გვალაშ ასსრ-შა.
1922 წანაშ 30 გერგობათუთას გვალაშ ასსრ-შე ჩაჩნეთიშ ავტონომიური ოლქიქ გშართჷ, 1924 წანაშ 7 გერგობათუთას გვალაშ ასსრქ ლიკვიდირებულქ იჸუ.
This article uses material from the Wikipedia მარგალური (Margaluri) article ჩეჩნეთი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.