ಮಾಯಾಮೃಗ''ವು ಕನ್ನಡ ಭಾಷೆಯ ಒಂದು ಟೆಲಿಧಾರಾವಾಹಿಯಾಗಿದ್ದು ಟಿ.
ಎನ್. ಸೀತಾರಾಮ್ ಅವರು ಪಿ. ಶೇಷಾದ್ರಿ ಮತ್ತು ನಾಗೇಂದ್ರ ಶಾ ಜತೆ ಜಂಟಿಯಾಗಿ ನಿರ್ದೆದೇಶಿದ್ದಾರೆ. ಇದನ್ನು ಮೊದಲ ಬಾರಿಗೆ ಡಿಡಿ ಚಂದನ ಟಿವಿ ವಾಹಿನಿಯಲ್ಲಿ 1998 ರಲ್ಲಿ ಪ್ರಸಾರ ಮಾಡಲಾಯಿತು ಮತ್ತು ಇದು ಮಾರ್ಚ್ 10, 2014 ರಂದು ಝೀ ಕನ್ನಡ ದೂರದರ್ಶನ ವಾಹಿನಿಯಲ್ಲಿ ಮತ್ತೆ ಪ್ರಸಾರವಾಯಿತು.
| ಮಾಯಾಮೃಗ (ಧಾರಾವಾಹಿ) | |
|---|---|
 ಧಾರಾವಾಹಿಯ ಶೀರ್ಷಿಕೆ ಚಿತ್ರ | |
| ಬರೆದವರು | ಟಿ.ಎನ್.ಸೀತಾರಾಂ |
| ನಿರ್ದೇಶಕರು | ಟಿ.ಎನ್.ಸೀತಾರಾಂ, ಪಿ.ಶೇಷಾದ್ರಿ ಮತ್ತು ನಾಗೇಂದ್ರ ಶಾ |
| ದೇಶ | ಭಾರತ |
| ಭಾಷೆ(ಗಳು) | ಕನ್ನಡ |
| ನಿರ್ಮಾಣ | |
| ನಿರ್ಮಾಪಕ(ರು) | ಭೂಮಿಕಾ ಪ್ರೊಡಕ್ಷನ್ಸ್ |
| ಸಮಯ | ೨೪ ನಿಮಿಷಗಳು |
| ಪ್ರಸಾರಣೆ | |
| ಮೂಲ ವಾಹಿನಿ | ಡಿಡಿ ಚಂದನ, ಝೀ ಕನ್ನಡ |
| ಚಿತ್ರ ಶೈಲಿ | 576i (SDTV), |
| Original airing |
|
ಈ ಕಥೆಯು ತಮ್ಮ ವೈಯಕ್ತಿಕ ಜೀವನದಲ್ಲಿ ಸಮತೋಲನವನ್ನು ಕಾಪಾಡಿಕೊಂಡು ಸಮಾಜವನ್ನು ಉತ್ತಮಗೊಳಿಸಲು ಪ್ರಯತ್ನಿಸುವ ಇಬ್ಬರು ಮಧ್ಯಮ ವರ್ಗದ ಹುಡುಗಿಯರ ಕುರಿತಾಗಿದೆ. ಮಾಳವಿಕಾಳು ಮಧ್ಯಮ ವರ್ಗದಲ್ಲಿ ಜನಿಸಿದ ಮಹಿಳಾ ಹಕ್ಕುಗಳ ಕಾರ್ಯಕರ್ತೆಯಾಗಿದ್ದು, ಸಮಾನತೆ ಮತ್ತು ವಿಮೋಚನೆ ಹೊಂದಿದ ಮಹಿಳೆಯರು ಇರುವಂತಹ ಒಂದು ಆದರ್ಶ ಸಮಾಜದ ಕನಸು ಕಾಣುತ್ತಾಳೆ. ತನ್ನ ಶಿಕ್ಷಕ ಕೃಷ್ಣ ಪ್ರಸಾದನಲ್ಲಿ ಅವಳು ಒಬ್ಬ ಆದರ್ಶ ವ್ಯಕ್ತಿಯನ್ನು ಕಂಡುಕೊಂಡಾಗ, ಅವಳು ತನ್ನ ಹೆತ್ತವರನ್ನು ವಿರೋಧಿಸಿ ಅವನನ್ನು ಮದುವೆಯಾಗುತ್ತಾಳೆ. ಅವಳು ತನ್ನ ಮಾವನ ವ್ಯವಹಾರ ವಿಷಯಗಳಲ್ಲಿ ತನ್ನನ್ನು ತೊಡಗಿಸಿಕೊಂಡಾಗ; ಅವಳ ಮಾವ ಅವಳನ್ನು ತನ್ನ ಮಗನಿಂದ ಬೇರ್ಪಡಿಸಲು ಪ್ರಯತ್ನಿಸುತ್ತಾನೆ.
ಮತ್ತೊಂದು ಕುಟುಂಬದಲ್ಲಿ, ಶ್ರೀಲಕ್ಷ್ಮಿ ತನ್ನ ಒಡಹುಟ್ಟಿದವರಾದ ಶ್ಯಾಮಾ ಮತ್ತು ಶಾರದಾ ಮತ್ತು ತಂದೆ ಎಲ್.ಎನ್.ಶಾಸ್ತ್ರಿ ಮತ್ತು ತಾಯಿ ಕಮಲಮ್ಮ ಅವರೊಂದಿಗೆ ವಾಸಿಸುತ್ತಿದ್ದಾರೆ. ಶ್ರೀಲಕ್ಷ್ಮಿಗೆ ಮಾಡೆಲಿಂಗ್ ಗೆ ಅವಕಾಶ ಸಿಕ್ಕಾಗ, ಆಕೆಯ ಸಾಂಪ್ರದಾಯಿಕ ತಂದೆ ಶಾಸ್ತ್ರಿ ಅವಳನ್ನು ಅದಕ್ಕೆ ಬಿಡುವುದಿಲ್ಲ. ಒಂದು ದಿನ, ಶಾಸ್ತಿಯ ಶಿಷ್ಯರಲ್ಲಿ ಒಬ್ಬರಾದ ರಘುವು ಶ್ರೀಲಕ್ಷ್ಮಿಯನ್ನು ಮದುವೆಯಾಗುವ ಪ್ರಸ್ತಾಪದೊಂದಿಗೆ ಶಾಸ್ತ್ರಿಗಳಲ್ಲಿಗೆ ಬರುತ್ತಾನೆ. ಆದರೆ ನಿಶ್ಚಿತಾರ್ಥದ ದಿನದಂದು ಸನ್ಯಾಸಿಯಾಗುತ್ತಾನೆ. ಶಾಸ್ತ್ರಿಗಳ ದೃಡ ನಿಶ್ಚಯದ ಸ್ವಭಾವದಿಂದಾಗಿ, ಅವನ ಮಕ್ಕಳು ಎಲ್ಲರೂ ತಮ್ಮ ಹಣೆಬರಹಗಳನ್ನು ಹುಡುಕಿಕೊಂಡು ಮನೆಯಿಂದ ಹೊರಟು ಹೋಗುತ್ತಾರೆ ಮತ್ತು ಶಾಸ್ತ್ರಿಗಳು ಕೂಡ ತನ್ನ ಸಹೋದರನೊಂದಿಗೆ ಜಗಳ ಎದುರಾದಾಗ ಪತ್ನಿ ಕಮಲಮ್ಮಳೊಂದಿಗೆ ಮನೆಯಿಂದ ಹೊರಟು ಹೋಗುತ್ತಾರೆ.
This article uses material from the Wikipedia ಕನ್ನಡ article ಮಾಯಾಮೃಗ (ಧಾರಾವಾಹಿ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ವಿಶೇಷವಾಗಿ ಟಿಪ್ಪಣಿ ಮಾಡದಿದ್ದ ಹೊರತು ಪಠ್ಯ "CC BY-SA 4.0" ರಡಿ ಲಭ್ಯವಿದೆ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ಕನ್ನಡ (DUHOCTRUNGQUOC.VN) is an independent company and has no affiliation with Wiki Foundation.
