Сёнэн

少年 сёнэн "жас бала", "бала" деген тура аударманы білдіреді) - аниме, манга және ранобэ, мақсатты аудиториясы -12 мен 18 жас аралығындағы жас ұлдар мен жасөспірімдерге арналған аниме жанры. Бұл түрдегі манга арнайы журналдарда (мақсатты аудиториясын басылым өзі анықтайды) жарияланып, нарықтың 38.4% қамтамасыз етеді. Басқа жас аралығына (мысалы, студенттер мен ересектерге) арнайы метажанр сэйнэн бар болса да, сёнэн жанрындағы аниме және манга ересек аудиторияға да ұнайды. Жапонияда сёнэн жанрындағы аниме мен мангалар нарықта өтімді тауарлардың бірі болып саналады.

Жанрдың басты белгілері ер бала негізгі рөлді ойнады, оның жылдам дамуы мен аса тез дамитын сюжет (әсіресе сёдзе-мангамен салыстырғанда). Сёнэн шығармалары ерлер достығы,жолдастық, өмірдегі, спорттағы немесе жекпе-жектегі бақталастыққа бағытталған әзіл-сықақ көріністерге бейім. Басты кейіпкер көбінесе кең көзімен, ашық күлімсіреуімен және өткір шаш үлгісімен ерекшеленеді. Басты кейіпкерлер, әдетте әрқашан өзіне сенімді, батыл, жолдастарына қамқорлық жасап( жағдай мүлдем үмітсіз болып көрінсе де), сондай-ақ, реализм тұрғысынан қарағанда, үлкен сәттілікке ие болады. Әдетте басты кейіпкер- өз мақсатына жетуге күш салып жатқан перфекционист немесе эгоцентрик болады. Әдемі және ақылды болып бейнеленген әйел кейіпкерлер басты кейіпкерлердің еркектік сезімін ынталандырушы рөлін атқарып, көбінесе этти және фан-сервис элементтерін қолданады. Жас балаларға арналған анимеда ғылыми фантастика, классикалық фэнтези, мистика, киберпанк және спокон сияқты жанрлар басым болады.

Жапониядағы ер балаларға арналған журналдар Екінші дүниежүзілік соғысқа дейін болған, бірақ олардың көпшілігінде ай сайынғы Shonen Club сияқты прозалық әңгімелермен шытырман оқиғалы комикстер болған. Соғыстан кейін мангаға толық аударған алғашқы журналдардың бірі ай сайын шығатын Manga Shonen (1947) болды, онда Осаму Тэдзука, Лейдзи Мацумото және Шотаро Ишиномори сияқты авторлардың алғашқы жұмыстары ұсынылды. Сёнэн манга нарығы 1969 жылы алғашқы Kodansha's Weekly Shonen журналы мен Shogakukan's Weekly Shonen Sunday бір уақытта басыла бастағанда заманауи түрге ие болды. Shueisha 1968 жылы Weekly Shonen Jump шығарылымын бастады. Бұл үш журнал - Жапониядағы үш үлкен баспагерлердің ең ірі сёнэн-журналдары болып табылады.