Артур Невилл Чемберлен (18.3.1869.
Эджбастон, Бирмингем — 9.11.1940, Хекфилд, Ридинг маңы) — саяси қайраткер, Ұлыбританияның премьер-министрі (1937 — 40). Рагби мектебі мен Бирмингем колледжінде оқыды. Ұзақ уақыт кәсіпкерлікпен айналысқан. 1915 — 16 ж. Бирмингем лорд-мэрі болды. 1916 ж. Ллойд Джордждың әскери кабинетінің құрамына кірді. 1918 ж. консерваторлар партиясының атынан парламент мүшесі болып, 1922 — 23 ж. пошта министрі, 1923 — 29 және 1931 ж. денсаулық сақтау министрі, 1923 — 24, 1931 — 37 ж. қаржы министрі қызметтерін атқарды. 1937 — 40 ж. премьер-министр және консерваторлар партиясының жетекшісі болды. Ч. билігі Ұлыбританияның тоқырау кезеңіне тура келді. Ел дүниежүз. өнеркәсіптік және финанстық орт. болу рөлінен айрылды. Ч. Еуропадағы саяси дағдарыстан шығу үшін Германиямен жақындасу саясатын белсенді түрде жүргізді. 1938 ж. А.Гитлер, Б.Муссолини және Э.Даладьемен бірге Мюнхен келісіміне қол қойып, Германияның Чехословакияны бөлшектеуіне және екінші дүниежүзілік соғыстың тұтануына жол берді. 1939 ж. Ұлыбритания, Франция, КСРО өкілдері арасындағы Германия агрессиясын ауыздықтауға байланысты Мәскеу келісімімен бір мезгілде фаш. Германиямен құпия келіссөз жүргізді. Бірақ Германия Польшаға басып кірісімен, Ұлыбритания 1939 ж. 3 қыркүйекте Германияға соғыс жариялады. 1940 ж. сәуірдегі ағылшын әскерлерінің Норвегия үшін болған соғыстағы сәтсіздіктерінен кейін, Ч. премьер-министр қызметінен кетуге мәжбүр болды.
Бұл мақаланы Уикипедия сапа талаптарына лайықты болуы үшін уикилендіру қажет. |
This article uses material from the Wikipedia Қазақша article Невилл Чемберлен, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәлімет CC BY-SA 4.0 лицензиясы аясында қолжетімді (басқа шарттар көрсетілмеген жағдайда). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Қазақша (DUHOCTRUNGQUOC.VN) is an independent company and has no affiliation with Wiki Foundation.