張伯倫(英文:Neville Chamberlain,1869年3月18號—1940年11月9號)係英國首相,1937年到1940年上任,嚟自保守黨。佢係第二次世界大戰前期嘅英國戰時首相。
佢喺伯明翰出世。佢阿爸都係從政嘅。1918年張伯倫當選做保守黨嘅國會議員。1937年做英國首相。佢唔想打另一場世界大戰,就喺1938年同德國嘅希特拉、意大利嘅墨索里尼同法國總理愛德華達拉第簽定《慕尼黑協定》,將捷克斯洛伐克嘅蘇台德地區割畀德國。但係德國喺1939年3月趁斯洛伐克搞獨立嘅時候迫捷克斯洛伐克總統哈卡接受德軍進駐捷克,將捷克變咗做「波希米亞同摩拉維亞保護國」,而斯洛伐克雖然獨立咗,實質上都係德國嘅傀儡國。張伯倫終於放棄咗綏靖政策,同法國一齊保證會維護波蘭嘅領土完整。到咗1939年9月德國入侵波蘭,英法向德國宣戰,第二次世界大戰爆發。1940年盟軍喺挪威失利之後,張伯倫辭咗首相一職,由丘吉爾接任。
This article uses material from the Wikipedia 粵語 article 尼維爾張伯倫, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.