Palʊla Salvador Dalí kɛ agoza fenaɣ kɩyakʊ 11 pɩnaɣ 1904 kɛ Figera haɖaa taa, katalɔñɩ egeetiye taa, Ɛsɩpaañɩ ɛjaɖe taa.
Salvador Dalí | |
Informa | |
Ɛ-ɛjaɖɛ | Ɛsipaañɩ |
Ɛ-tʋmɩyɛ | Keɖeyaɣ laɖʋ |
Ɛ-ɖɩlʋlɩyɛ | Figueres, Catalonia, Ɛsipaañɩ |
E-efemiye kɩlʋlɩyɛ | Agoza fenaɣ kɩyakʋ 11 n̄ɩŋgʋ wiye, pɩnaɣ 1904 |
Ɛ-ɖɩsɩbɩyɛ | Figueres, Catalonia, Ɛsipaañɩ |
E-efemiye kɩsɩbɩyɛ | Kɔlaɣ fenaɣ kɩyakʋ 23 n̄ɩŋgʋ wiye, pɩnaɣ 1989 |
Salvador Dalí sɩba Figera tɛtʊ taa kɛ kɔlaɣ fenaɣ 23 wiye pɩnaɣ 1989 ɛɛwɛna pɩnzɩ 84. Pɩnzɩ nzɩ sɩ-taa ɛlaba ɛ-tʊmɩyɛ camɩyɛ yɔ nzɩ lɛ 924 nɛ 1989 taa. Palʊla-ɩ lɛ payawaɣ-ɩ se Salvador Domingo Felipe Jacinto Dalí y Domènech pʊcɔ payaɣ-ɩ yem se Salvador Dalí. Ɛkɛ tɔlɩm tayʊ, anjaʊna lɩzɩʊ, sɩʊ kpelesi mayʊ, kɩlɛmɩŋ yaa fotonaa lɩzɩyʊ nɛ takayɩsɩ kɩkalɩsɩ mayʊ.
Lona wena a-taa ɛkɩula caaʊ nɛ ɛla ɛ-tʊma yɔ ana lɛ: Siŋgapuri, Tɛl-Aviv, Fransɩɩ, Maadridi, Etazunii, Ɛsɩpaañɩ. Payaɣe-caa se Salvador Dalí i Cusí (1872- 1952) nɛ e-ɖoo kɔyɔ Felipa Domènech Ferrés y Bom (1874-1921). Payaɣ ɛ-halʊ se Gala Dalí nɛ ɛ-na-ɩ pɩnsɩ 1934 nɛ 1982 kɛ palaba. Ɛkɛ weyi pakpaɣ ɛzɩ mba pɛwɛna kadadayaɣ lɩmaza pa-ñʊndaa yɔ nɛ ɛwɛ pɩnzɩ mɩnɩŋ XX taa saɣya nɛ tɔlɩm tayaa sɔsɔ pa-taa. Ɖooo ɛ-pɩcatʊ taa kɛ ɛsɔɔla maazɩm haʊ lɩmaaza. Pʊyɔɔ kɛ ɛkʊyɩ Figera nɛ ewolo Madridi se ɛla keɖeɣyaɣ tʊmɩyɛ. Peeɖe ɛɖʊ taabalɩɩ nɛ Federico García Lorca nɛ Luis Buñuel.
Ɛɛwɛna pɩnzɩ 5 lɛ ɛ-ñɩma wona-ɩ ɛ-ɖalʊ pɩlaʊ yɔɔ, pawɩlɩ-kʊ nɛ peheyi-i se: ɛ-ɖalʊ weyi pepima peeɖe yɔ, pɩwɛ ɛzɩ e-ɖom yɔ. Ɛ-ɖalʊ ɛnʊ ɛsɩba lɛ paawɛna ɛ-hɔɔ nɛ payawaɣ-ɩ ɖɔɖɔ se Salvador. Tɔm piye nɖɩ ɖɩpazɩ ɖɩɖʊkɩna-ɩ siŋŋŋ nɛ ɛyɔɔdɩ se: « Palʊla-m ɖom. Paalʊla-m man-ɖalʊ lone taa, pɩha-ɩ camɩyɛ nɛ nɔɔyʊ ɛɛpɩzʊ ɛlabɩ-ɩ nabʊyʊ. Ɛcaɣ ɛjaɖɛ ɖɩnɛ ɖɩ-yɔɔ kɛ pɩnzɩ lʊbɛ pʊcɔ ɛ-ñʊʊ taa nimasi mʊʊ miŋ.» Ɛ-caa nɛ e-ɖoo pataakɩlɩ-ɩ nɛ ñaŋ nɛ petekizina-ɩ ɛ-lɩmaazɩyɛ naɖɩyɛ. E-ɖoo se ɛnʊ kaawɛna pɩnzɩ looɖo lɛ, ɛɛsɔɔla se ɛpɩsɩ kʊʊkʊ yaa tɩsɩyʊ nɛ ɛɛwɛna pɩnzɩ lʊbɛ lɛ ɛsɔɔlɩ se ɛpɩzɩ Napoléon nɛ pɩwayɩ kɛ mbʊ yɔ ɛ-lɩmaaza wɛɛ pɩkpaɣ ɖɔŋ nɛ pɩkpaɣ.
This article uses material from the Wikipedia Kabɩyɛ article Salvador Dalí, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mbʋ pɛwɛɛ pɩ-taa yɔ pʋwɛɛ pɩcɛlɩna paa weyi yee ɛyʋ ɛwɛna waɖɛ yɔ asaa yee nabʋyʋ ɛwɛ ndɩ lɛ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kabɩyɛ (DUHOCTRUNGQUOC.VN) is an independent company and has no affiliation with Wiki Foundation.