Yemenii kɛna Erɔpʊ ilemiye nɛ hadɛ taa tɛtʊ natʊyʊ nɛ tɩwɛna Afrika nɛ hayʊ kiŋ.
Ajɛya wena acɔ ɛjaɖɛ ɖɩnɛ nɛ ata yɔ anaa yɔ: wɩsɩ ɖɩdʊyɛ taa lɛ teŋgu ŋgʊ payaɣ se pɔɔ kɩsɛɛmaɣ yɔ ŋgʊ tɛyɩna ɛjaɖɛ ɖɩnɛ nɛ Eritree nɛ Cibuutii; hadɛ kiŋ nɛ wɩsɩ ɖɩlɩyɛ taa lɛ tɛtʊ ndʊ payaɣ-tʊ se Omanii yɔ tɩwɛna nɛ hayʊ kiŋ lɛ Arabii Saudidii piyele hadɛ yeli lɛ Somalii ɛjaɖɛ wɛna.
Pamaza ɛjaɖɛ ɖɩnɛ ɖɩ-walanzɩ lɛ, panaa se ɖɩ-walanzɩ talɩ ɛzɩ 527 968 km2 nɛ ɖenɖe lɩm wɛɛ yɔ, peeɖe takɩlɩ ɖɔʊ. Agoza fenaɣ 22 wiye pɩnaɣ 1990 kɛ ɛjaɖɛ ɖɩnɛ ɖɩmʊ ɖɩ-tɩ yɔɔ wɛʊ.
Payaɣ Yemenii ɛjaɖɛ ñʊʊdʊ kɩfalʊ weyi ɛwɛna Adenii hɔɔlʊ yɔ se Abdrabbo Mansour Hadi nɛ Utii hɔɔlʊ taa-tʊ fɛyɩ nɛ weyi ɛcɔŋna peeɖe yɔ ɛlɛ yɔ Mehdi Hussein al-Machat. Hɔɔlɩŋ ɩnɛ ɩ-tɛ komina yɔɔ cɔnɩyaa kɔyɔ kɔyɔ: Ahmed ben Dagher (Adeni-tʊ) nɛUtii-tʊyɔ Abdel Aziz ben Habtour.
Kʊnʊŋ ŋgʊ pakɩlʊʊ yɔɔdʊʊ ɛjaɖɛ ɖɩnɛ ɖɩ-tɛ komina tʊma taa nɛ pawɩlʊʊ-kʊ sukulinaa taa ɖɔɖɔ yɔ, ŋgʊ lɛ araabii. Ɛjaɖɛ ɖɩnɛ ɖɩ-taa tɛtʊ sɔsɔtʊ payaɣ se Sanaa nɛ ndʊ tɩkɩlɩna walanzɩ ɖɔɖɔ.
Pɩnaɣ 2017 taa pakalɩ kɩgalʊʊ kɛ tɛtʊ sɔsɔtʊ tʊnɛ tɩ-taa lɛ pana ɛyaa ɛzɩ 28 038 829 yɔ. Ɛjaɖɛ ɖɩnɛ ɖɩ-taa yee pakalɩɣ ɛyaa km2 taa kɔyɔ, panaɣ-wɛ ɛzɩ 53 yɔ.
Yee ɛyʊ ɛsɔɔlaa se ɛyaa nɔɔyʊ kɛ kaŋgalafu yɔɔ ɛjaɖɛ ɖɩnɛ ɖɩ-taa kɔyɔ, pɩkɛna-ɩ kɩjɛyʊʊ se ɛma +967 ɛ-tɛ kaŋgalafu kpata yɔɔ pʊcɔ ŋɛ ɛɛma pɩtɛ ɛyʊʊ kaŋgalafu nimaɣ mayaɣ. Liidiye nɖɩ pɔtɔkɩ-ɖɩ peeɖe yɔ payaɣ-ɖɩ se riyal yeeniti.
This article uses material from the Wikipedia Kabɩyɛ article Yemenii, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mbʋ pɛwɛɛ pɩ-taa yɔ pʋwɛɛ pɩcɛlɩna paa weyi yee ɛyʋ ɛwɛna waɖɛ yɔ asaa yee nabʋyʋ ɛwɛ ndɩ lɛ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kabɩyɛ (DUHOCTRUNGQUOC.VN) is an independent company and has no affiliation with Wiki Foundation.