यमन

यमन (अरबी भाषा: اليَمَن अल-यमन), आधिकारिक रुप सँ यमन गणराज्य (अरबी भाषा: الجمهورية اليمنية अल-जम्हूरिया अल-यमन) मध्यपूर्व एशियाक एक देश छी, जे अरब प्रायद्वीपमे दक्षिण पश्चिममे अवस्थित अछि । २ करोड़ जनसङ्ख्या रहल देश यमनक सीमा उत्तरमे साउदी अरब, पश्चिममे लाल सागर, दक्षिणमे अरब सागर आ अदनक खाड़ी आ पूर्वमे ओमान सँ मिलैत अछि । यमनक भौगोलिक सीमामे लगभग २०० सँ अधिक द्वीप सेहो अछि, जहिमे सोकोत्रा द्वीप सबसँ पैग अछि । एकर राजधानी साना छी । अन्य प्रमुख शहर ताइज (Ta'izz), अल - हुदैदाह (al Hudaydah), बैत अल - फकीह (Bayt al Faqih) अछि । अरबी प्रमुख भाषा छी। इस्लाम एहि ठामक धर्म छी। केवल ५% जमीन पर खेती कएल जाइत अछि । उच्च प्रदेश प्रमुख कृषि स्थल छी । शुष्क कृषिमे कफीक स्थान प्राचीन कालसँ प्रमुख रहल अछि । कात क उपज तेजी सं कफी क स्थान पर आबि रहल अछि। फलमे सेब, खुबानी, केला, अनेक प्रकारक अंगूर, नीम, आड़ू, नारंगी तथा अनेक प्रकारक तरबूज बेसी उगाओल जाइत अछि। बादाम आ अन्य काष्ठफल सेहो उगैत अछि। जौ, जई, कम्मा, ज्वार, बाजरा, धान, तिल तथा सोरघम खाद्य धान मे प्रमुख स्थान पर अछि। पठार आ समुद्र तट पर गेहूँ सेहो उगैत अछि। खनिजसभमे नमक आ चूना पत्थरक स्थान प्रमुख अछि ।