She ellyneyr far-rieughagh Spaainagh va Salvador Domingo Felipe Jacinto Dalí i Domènech (11 Boaldyn 1904 – 23 Jerrey Geuree 1989).
Ta enney mie er son e schleiyn çhaghnoil, e linneyderys cruinn, as ny jallooyn quaagh er lheh 'syn obbyr echey.
Salvador Dalí i Domènech | |
---|---|
| |
Ennym ruggyree | Salvador Domingo Felipe Jacinto Dalí i Domènech |
Ruggit | 11 Boaldyn 1904, 21 Boaldyn 1904 Figueres, y Chataloan, y Spaainey |
Hooar baase | 23 Jerrey Geuree 1989 Figueres, y Chataloan, y Spaainey |
Bun baaish | baase najooragh (cardiac arrest (en) ) |
Boayl oanluckee | Dalí Theatre and Museum (en) |
Ynnyd beaghee | Figueres (en) Caayr York Noa |
Seyraanaght | y Spaainey |
Çhengey | Baarle · Spaainish · Frangish · Cataloanish |
Keird | peinteyr · jallooder · screeudeyr · aghteyr · stiureyder scannane · scaa-screeudeyr · fotografee · aghteyr scannane · scenographer (en) · tayrneyder caslyssyn · kiaddeyder cliejeenys · ellyneyr graafagh · holographer (en) |
Shaanrey | jalloo neu-vio · peintal shaanrey · cochaslys · ellyn reayrtyn çheerey · cochaslys · ellyn chrauee |
Jantys | Artists Rights Society (en) Didier Ltd (en) |
Ynsagh | Real Academia de Bellas Artes de San Fernando (en) (1922 - 1926) |
Sheshey | Gala Dalí (en) (Luanistyn 8, 1958 - Mean Souree 10, 1982) |
Ayr | Salvador Dalí i Cusí |
Moir | Felipa Domènech i Ferrés |
Braaraghyn as shuyraghyn | |
Olteynys boayrd | Académie des beaux-arts (en) Royal Academy of Science, Letters and Fine Arts of Belgium (en) |
Aundyryn | |
Kianglaghyn fysseree as sheshoil | |
IMDb | nm0198557 |
Discogs ID | 195296 |
salvador-dali.org |
Va Dalí ruggit ayns Figueres, y Chataloan, y Spaainey, raad hooar eh e ynsaghey formoil ayns ny h-ellynyn meeiney ayns Madrid. Ghow eh cummaght as cleayney voish yn Impressionaghys as mainshtyryn yn Aaruggyr voish eash aeg as haink er, beggan er veggan , dy ve cleaynit rish gleashaghtyn y chioobaghys as avant-garde. Hie yn obbyr echey ny s'niessey da'n Far-rieughid ayns ny 1920yn jeianagh as hie eh stiagh 'sy phossan Far-rieugagh ayns 1929 raad haink er dy ve coontit myr fer jeh ny cloiederyn s'yrjey. Va'n obbyr share ennit echey, Kinjid y Chooinaghtyn, jeant ayns Luanistyn 1931, as t'eh coontit myr y pheintal Far-rieugagh smoo ard-ghooagh. Ren Dalí beaghey 'sy Rank car Caggey Theayagh y Spaainey (1936 derrey 1939) roish my daag eh dys ny Steatyn Unnaneysit. Tra v'eh hoal, chossyn eh rah chaglit. Darree eh er-ash dys y Spaainey ayns 1948 raad ren eh fogrey magh yn aa-hyndaa echey dys y chraueeaght Chatoleagh as lhiassee eh e vod "oaylyssaght hesh-veanagh" va bunnit er yn anaase echey 'sy chlassicaghys, 'syn oaylyssaght, as ayns lhiassaghyn sheansagh jeianagh.
Ta stoyr ellynagh Dalí goaill stiagh peintal, ellynyn graafagh, scannaneaght, jallooderys, kiaddey, as fotografeeaght, chammah as co-obbraghyn lesh ellyneyryn elley. Chammah's shen, screeu eh far-skeealaght, feeleeaght, hene-veashnys, traaghtyn, as peeshyn cremeydagh. Ny cooishyn mooarey 'syn obbyr echey, t'ad goaill stiagh ashlishyn, y fo-chooinsheansaght, y cheintyssaght, y chraueeaght, sheanse, as ny mooinjeryssyn persoonagh echey. Chur yn aghtys theayagh corragh as erreayrtagh ny smoo arrey huggeysyn na chur yn obbyr echey, red chur contaartys orroosyn dreill eh er ard-scansh as vrasnee ny cremeyderyn echey. S'arganagh va'n pohlldey theayagh v'echey er son y lught-reill Francoagh, e yantyssyn traghtee, as foays as feerid kuse jeh ny h-obbraghyn jeianagh echey. She cummaght vooar va'n seihll as yn obbyr echey er Far-rieughee elley, er y phop-ellyn, as er ellyneyryn co-emshiragh lheid as Jeff Koons as Damien Hirst.
Ta daa hie tashtee mooarey ayn currit da obbyr Salvador Dalí: Theater as Thie Tashtee Dalí ayns Figueres, y Spaainey, as Thie Tashtee Salvador Dalí ayns St. Petersburg, Florida.
This article uses material from the Wikipedia Gaelg article Salvador Dalí, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.