Хьэгъундокъуэ Эльмесхъан (06.02.1898-21.01.1985) Ц1ыхубэм зэриц1ыхумк1э Гали Баженэ, Ирен Де Люар- адыгэ ц1ыхубз ц1эры1уэ, ягъэлъап1эу япэ класс легионер, командор, бригадэ генерал, Фрэндж республикэм и орденым и офицер лъап1э и щ1ыхьым теухуауэ.
Къэрал правительствэм я ордену: 1939-1945 зауэм и крест,лӀыгъэм и крест,дышэ крест Польскэ Ӏэрмэм ейуэ,Париж медаль плъыжь, Тунис ик1и Италия компанием я медаль къыхуагъэфэщащ. Коко Шанел и деж «Кавказ вагъуэ» жа1эу щылэжьащ 1920 гъэм.
Хьэгъундокъуэ Эльмесхъан | |
Къыщыхъуар: | 1898 щӀышылэм и 6[1] |
Дунейм щехыжар: | 1985 мазаем и 21[1] (86 гъ.) |
Дунейм здехыжар: | Францым |
Унагъуэк1э къызыхэк1ар адыгэ лъэпкъ ягъэлъап1э, щ1ыхь зи1э уэркъ Хьэгъундокъуэхэ. Я лъэпкъ къуажэ- Къармэ Хьэблэ (иджырей Каментомостское) Эльмесхъан и адэр генерал Константин Николай и къуэр, чристэн диныр къыщимыщтэм и ц1эр Едыдж Исмел и къуэт. Дикая Дивизия жыхуа1эм и ет1уанэ бригадэм и командиру щытащ. Эльмесхъан и анэр Елизавета Бредова хэт полаб славянхэм къыхэк1ыу етх, хэти немыцэ аристократием щыщу жа1э.
Эльмесхъан къыщалъхуар Санкт Петербургщ. Смольнэ ц1ыхубз еджап1эр къиухащ. Дунейпсо Зауэхэм япэми ет1уанэми хэтащ. И яп1э щхьэгъусэ дунейм пасэу ехыжам Николай Баженов и унэцэр зэрихьэу ц1эры1уэ хъуащ. Шанел и деж щылэжьащ щыгъын игъэлъагъуэу ик1и ц1эры1уэ тедзэхэм «ВОГ» ик1и «Фемина» и сурэт къылалъхьащ мызэ мыт1эу. 1934 гъэм граф Станислав де Люарым щхьэгъусэ хуэхъуащ, католик диныр къищтэри Ирене Лейла жа1эу еджэу щ1адзащ. Дунейпсо зауэ е1туанэм щыщ1ыдзам сымаджэщым и щхьэтету щытащ, ц1ыху куэди къыригъэлащ. Абы теухуауэ Фрэндж республикам къыхуигъэфэщащ къэрал правительствэм и ордену зэмыл1эужьыгъуэ абы яхэту Францым и нэхъ лъап1э дыдэр Ordre national de la Légion d'honneur. 1985 гъэм дунейм щехыжам зауэлъхэм хуагъэфэщэ пщ1эшхуэ и1эу Сент-Женевьев-де-Буа кхъэм щыщ1алъхьащ. Абы хуэдэ пщ1э Эльмесхъан ф1эк1 нэгъуэщ ц1ыхубзым къыхуагъэфэщакъым. 2001 гъэм Фрэндж тхак1уэ Гимет Де Сэриньи(Guillemette de Sairigné «La Сircassienne»), тхылъ итхащ ирен и гъащ1эм теухуауэ « Адыгэ ц1ыхубз» и ц1эу. 2012 гъэм Жансурэт Зек1уэрей трихащ «Адыгэ ц1ыхубзыр к1уэдыжынкъым..» жыхуи1э документальнэ нэтынэр.
This article uses material from the Wikipedia Адыгэбзэ (Adighabze) article Эльмесхъан Хьэгъундокъуэ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Текстыр уи пащхьэ илъщ лицензэ Creative Commons Attribution/Share-Alike-м теухуауэ, изыныкъуэхэм нэгъуэщI лицензэ иIэнкIи мэхъу. Нэхъ гурIуэгъуэу ухемэ еплъ Къызэрыбгъэсэбэпыным и щыхьэт. «Уикипедиэ» — зарегистрированнэ торговэ маркэ мыкоммерческэ зэIущIэныгъэм «Викимедым и Фонд». Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Адыгэбзэ (Adighabze) (DUHOCTRUNGQUOC.VN) is an independent company and has no affiliation with Wiki Foundation.