ცისფერი მთები ანუ დაუჯერებელი ამბავი
„ცისფერი მთები ანუ დაუჯერებელი ამბავი“ — ქართული მხატვრული ფილმი.
მისი რეჟისორია ელდარ შენგელაია. გამოვიდა 1984 წელს. ფილმი გადაღებულია რეზო ჭეიშვილის ამავე სახელწოდების მოთხრობის მიხედვით.
| „ცისფერი მთები ანუ დაუჯერებელი ამბავი“ | |
|---|---|
 | |
| დამდგმელი რეჟისორი | ელდარ შენგელაია |
| სცენარის ავტორი | გიორგი შენგელაია რეზო ჭეიშვილი |
| როლებში | რამაზ გიორგობიანი |
| კომპოზიტორი | გია ყანჩელი |
| ხმის ოპერატორი | ვლადიმერ ნიკონოვი |
| ოპერატორი | ლევან პაატაშვილი |
| მხატვარი | ბორის ცხაკაია |
| სტუდია | ქართული ფილმი |
| გამოსვლის თარიღი | 1984 |
| ხანგრძლივობა | 98 წთ. |
| ქვეყანა | სსრკ |
| ენა | ქართული |
სიუჟეტი
ახალგაზრდა მწერალს რედაქციაში მოთხრობა მიაქვს. მისი განხილვის მოლოდინში გადის შემოდგომა, ზამთარი, გაზაფხული… მოთხრობას არათუ არავინ კითხულობს, მისი ყველა არსებული ეგზემპლარიც უკვალოდ ქრება. ამ დაწესებულებაში ყველა თავისი საქმით არის გართული: დირექტორი მუდამ გადარბენაზეა — თათბირიდან ბანკში, ბანკიდან შეხვედრაზე, შეხვედრიდან ბანკეტზე და ასე დაუსრულებლად, რედაქტორებიდან ზოგი ფრანგულს სწავლობს, ზოგი კერავს, ზოგი საუზმეს იმზადებს, ვიღაც შვებულებაშია, ვიღაც — მივლინებაში, სხვები ჭადრაკს თამაშობენ… ერთადერთი ადამიანი, ვინც ხელნაწერებს კითხულობს, მღებავია… ფილმი ალეგორიული კომედიაა. იგი ნიღაბს ხდის საბჭოთა ბიუროკრატიზმს და უპასუხისმგებლობას. რედაქციაში მუშაობენ თავიანთი ვიწრო, ობივატელური ინტერესების ჩარჩოში მომწყვდეული ადამიანები; ამ სისტემის არაეფექტურობა სრულდება პირდაპირ მნიშვნელობით დაწესებულების ნგრევით, გადატანით კი — საბჭოთა სისტემის ნგრევით.
როლებში
- რამაზ გიორგობიანი – სოსო
- ვასილ კახნიაშვილი – ვასო
- თეიმურაზ ჩირგაძე – დირექტორი
- ივანე საყვარელიძე – მარკშეიდერი
- სესილია თაყაიშვილი – ბუღალტერი
- გრიგოლ ნაცვლიშვილი – იროდიონი
- ვლადიმერ მეზვრიშვილი – გრიშა
- ოთარ გუნცაძე – მღებავი
- დარეჯან სუმბათაშვილი – ბელა
- ზეინაბ ბოცვაძე – ლალი
- ნინო თუთბერიძე – მდივანი
- მიხეილ ქიქოძე
- გ. ჩხაიძე – შუქრი
- გურამ ლორთქიფანიძე – თენგიზი
- გურამ პეტრიაშვილი – ქმარი
- მედეა ჯაფარიძე
- დოდო ჭიჭინაძე
- ლია ელიავა – მსახიობი
- ლიკა ქავჟარაძე
- ოთარ კობერიძე – მსახიობი
- ვასილ ჩხაიძე
- შოთა ქოჩორაძე
- გია ლაზიშვილი
- ანზორ ღვინერია
- ვაჟა ნოდია
- დავით ხინთიბიძე
- ოლღა თაბუკაშვილი
- თეა – ნათელა გაბუნია
- მაია ლოლაძე
- ომარ შოთაშვილი – ჩაჩანიძე
- ო. მელაძე
- ვ. მელიქიშვილი
რესურსები ინტერნეტში
This article uses material from the Wikipedia ქართული article ცისფერი მთები ანუ დაუჯერებელი ამბავი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.