თეიმურაზ ჩირგაძე
თეიმურაზ ჩირგაძე (დ.
5 სექტემბერი, 1928, ბორჯომი, საქართველოს სსრ, სსრკ — გ. 1999) — ქართველი ექიმი-პარაზიტოლოგი, პროფილაქტიკური მედიცინის მეცნიერების აკადემიის წევრი (1994), მედიცინის მეცნიერების კანდიდატი (1965). თბილისის საპატიო მოქალაქე (1995).
| თეიმურაზ ჩირგაძე | |
|---|---|
| დაბადების სახელი | თეიმურაზ ჩირგაძე |
| დაბადების თარიღი | 5 სექტემბერი, 1928 |
| გარდაცვალების თარიღი | 1999 |
| საქმიანობა | ექიმი, მსახიობი |
1951 დაამთავრა თბილისის სახელმწიფო სამედიცინო ინსტიტუტი. შემდეგ 6 წლის განმავლობაში იყო სამხედრო სამედიცინო სამსახურში. 1957 წლიდან მოღვაწეობდა საქართველოს ჯანმრთელობის დაცვის სამინისტროს ს. ვირსალაძის სახელმწიფო სამედიცინო პარაზიტოლოგიის და ტროპიკული მედიცინის სამეცნიერო კვლევით ინსტიტუტში სხვადასხვა თანამდებობაზე; 1993 წლიდან იყო ინსტიტუტის დირექტორი. თეიმურაზ ჩირგაძის მეცნიერული შრომები ეხება პარაზიტოლოგიის და ტროპიკული მედიცინის, როგორც პრაქტიკული, ისე სამეცნიერო დარგის თითქმის ყველა სფეროს. არის მრავალი სამეცნიერო შრომის ავტორი.
თეიმურაზ ჩირგაძე პარალელურად მოღვაწეობდა კინოშიც. მის მიერ შესრულებული როლებიდან აღსანიშნავია ვაჟა (ე. შენგელაიას „ცისფერი მთები ანუ დაუჯერებელი ამბავი“, 1983 წ.). მიღებული აქვს სახელმწიფო ჯილდოები, მათ შორის ღირსების ორდენი (1997). თბილისში არის თეიმურაზ ჩირგაძის ქუჩა.
ფილმოგრაფია
- 1968: „არაჩვეულებრივი გამოფენა“ (თამადა) რეჟ. ელდარ შენგელაია
- 1983: „ცისფერი მთები ანუ დაუჯერებელი ამბავი“ (დირექტორი) რეჟ. ელდარ შენგელაია
- 1991: „მე, პელეს ნათლია!“ რეჟ. მიხეილ ჭიაურელი (უმცროსი)
- 1993: „ექსპრეს-ინფორმაცია“ (დაბერო) რეჟ. ელდარ შენგელაია
ჯილდოები, პრემიები და პრიზები
ლიტერატურა
- ენციკლოპედია „თბილისი“, თბ., 2002. — გვ. 934, ISBN 99928-20-32-2.
რესურსები ინტერნეტში
This article uses material from the Wikipedia ქართული article თეიმურაზ ჩირგაძე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.