Nintendo Entertainment System
Nintendo Entertainment System (აბრევიტურა NES) — 8 ბიტიანი სახლის ვიდეო თამაშების კონსოლი, რომელიც შექმნა იაპონურმა კომპანია ნინტენდომ.
იგი პოპულარული იყო 1980-იანი წლების მეორე ნახევარსა და 1990-იან წლებში. რუსეთსა და საბჭოთა კავშირის რამდენიმე ქვეყანაში ცნობილია Dendy-ის სახელწოდებით — Nintendo Entertainment System-ის არაოფიციალური კლონირებული ვერსია.
| Nintendo Entertainment System | |
|---|---|
  | |
  ზემოთ: Nintendo Entertainment System კონტროლერით. ქვემოთ: Nintendo Family Computer კონტროლერით. | |
| სხვა სახელწოდებები | Family Computer/Famicom (იაპონია) Hyundai Comboy (კორეა) დენდი (რუსეთი) |
| შემქმნელი | Nintendo |
| მწარმოებელი | Nintendo |
| ტიპი | სახლის ვიდეო თამაშების კონსოლი |
| თაობა | მესამე თაობა |
| გამოშვების თარიღი |
|
| საცალო გაყიდვაში | 1983–2003 |
| თავდაპირველი ფასი | 14,800 იენა 299 დოლარი (აშშ-ის დელუქს კომპლექტი) |
| შეწყდა | ჩრდ.ამ. 14 აგვისტო, 1995 იაპ 25 სექტემბერი, 2003 |
| გაიყიდა | მსოფლიოში: 61.91 მილიონი იაპონია: 19.35 მილიონი ამერიკა: 34.00 მილიონი სხვა: 8.56 მილიონი |
| მედია | სათამაშო კარტრიჯი |
| პროცესორი | 8 ბიტიანი Ricoh 2A03 MOS Technology 6502 core) |
| შეტანა | კონტროლერის ორი პორტი ერთი დამატებითი სლოტი |
| ყველაზე გაყიდვადი თამაში |
|
| წინა | Color TV-Game |
| შემდეგი | Super NES |
კონსოლი პირველად გამოვიდა იაპონიაში 1983 წელს Famicom-ის სახელით, ხოლო 1985 წელს სახელშეცვლილი NES გამოიცა ევროპასა და აშშ-ში. კონსოლი აღმოჩნდა წარმატებული და შეძლო ამერიკის და იაპონიის მთლიანი ბაზრის დაპყრობა. იგი გამოიცა თამაშების ფართო პაკეტთან ერთად, რომელთა შორის ყველაზე პოპულარული გახდა „Super Mario Bros“. მარიო იქცა კორპორაცია ნინტენდოს თილისმად. იმ დროში NES ყველაზე მეტად გაყიდვადი კონსოლი გახდა. ოფიციალური მონაცემებით, მსოფლიოს მასშტაბით გაიყიდა 60 მილიონ ეგზემპლიარზე მეტი და 500 მილიონამდე ვიდეო თამაში. მიუხედავად იმისა, რომ სისტემა გამოვიდა ვიდეო თამაშების ინდუსტრიის კრიზისის მოვლენებიდან ცოტა ხნის შემდეგ ბევრი კრიტიკოსი სწორედ მას მიაწერს სათამაშო ბაზრის აღორძინებას და მესამე თაობის ვიდეო თამაშების კონსოლების ეპოქის დაწყებას. ინდუსტრიის კრახის შემდეგ წარმატებული აპარატული მახასიათებლებისა და თამაშების მდიდარი ბიბლიოთეკის წყალობით, იმედგაცრუებულ მომხმარებლებსა და აგრეთვე დეველოპერ კომპანიებს ვიდეო თამაშებისადმი ინტერესი კვლავ გაუჩნდათ.
1990-იან წლებში NES-ის პოპულარობა დაეცა. მთავარი მიზეზი ბაზარზე ახალი თაობის 16 ბიტიანი კონსოლების გამოჩენა იყო, როგორებიც არის Sega Mega Drive და Super Nintendo Entertainment System. თუმცა, ამის მიუხედავად, NES-ის გამოშვება გაგრძელდა 2003 წლამდე.
კონსოლის წარმოება ოფიციალურად შეწყდა 1995 წელს, მაგრამ კონსოლის თამაშების ბიბლიოთეკა დღესაც ხელმისაწვდომი არის თანამედროვე კომპიუტერულ სისტემებზე სხვადასხვა ემულატორების წყალობით. NES-ის თამაშები, აგრეთვე ხელმისაწვდომია Nintendo Wii-ზე Virtual Consol-ის მშვეობით..
2009 წელს საიტ IGN-მა Nintendo Entertainment System-ს თავის სიაში „25 ყველა დროის საუკეთესო კონსოლი“ პირველი ადგილი მიუჩინა. ხოლო „PC Magazine“-ის სიაში "10 საუკეთესო კონსოლი" NES-მა Sega Dreamcast-ის შემდეგ მეორე ადგილი დაიკავა.
2016 წლის 14 ივლისს გახდა ცნობილი, რომ ნინტენდო მუშაობდა კონსოლის ხელახალი ვერსიის გამოცემაზე, რომელიც გამოვიდა 2016 წლის 11 ნოემბერს და თან ახლავს 30 ჩაშენებული თამაში და ერთი კონტროლერი.
გალერეა
-
Nintendo Entertainment System -
Nintendo Family Computer -
Famicom Disk System -
R.O.B. -
სინათლის პისტოლეტი -
NES-ის კონტროლერი
რესურსები ინტერნეტში
შეგიძლიათ იხილოთ მედიაფაილები თემაზე „Nintendo Entertainment System“ ვიკისაწყობში.- Nintendo Famicom-ის ვიდეო Youtube-ზე
- Nintendo Entertainment System. დაარქივებულია ორიგინალიდან — October 20, 2007. at Nintendo.com
- NES-ის თამაშების სია Nintendo.com-ზე (დაარქივებულია ორიგინალიდან - Internet Archive)
- Nintendo Entertainment System საიტზე Curlie
- NES-ის კლასიკური გამოცემის საიტი დაარქივებული 2020-08-12 საიტზე Wayback Machine.
სქოლიო
This article uses material from the Wikipedia ქართული article Nintendo Entertainment System, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.