მესამე თაობის ვიდეო თამაშების კონსოლები

ამ პერიოდში დასრულდა 1983 წლის კრიზისი და სახლის ვიდეო თამაშებში ლიდერად იქცა იაპონია. სწორედ ამ დროში ბლოკური გრაფიკა ჩაანაცვლა სპრაიტულმა, რაც დიდ ნახტომად მიიჩნევა გეიმდიზაინში.

აღნიშნული ეპოქის ყველაზე გაყიდვადი კონსოლი იყო NES/Famicom, მას თან მოსდევდა Sega-ს Master System და Atari-ს Atari 7800. მიუხედავად იმისა, რომ წინა თაობის კონსოლებიც გამოიყენებდნენ 8 ბიტიან პროცესორებს, სახლის კონსოლების „ბიტებად“ აღნიშვნა დაიწყეს მესამე თაობის დასასრულს და 16 ბიტიანი სათამაშო კონსოლების გამოჩენის შემდეგ, წინა თაობისგან განსხვავების აღსანიშნავად. მესამე თაობის მიწურლს 8 ბიტიანი სისტემები 16 ბიტიანებთან შედარებით გრაფიკულად და აპარატულად მოძველდნენ. იმ დროისთვის იაპონიასა და ჩრდილოეთი ამერიკაში დომინირებდა Famicom/NES, მაშინ როდესაც ევროპის და ბრაზილიის ბაზარზე ლიდერობდა Master System.

ისტორია

იაპონიაში მესამე თაობის კონსოლებს შორის დიდი პოპულარობა მოიპოვა Family Computer-მა (Famicom). ჩრდილო ამერიკულ ბაზარზე დომინირებდა ფამიკომის დასავლური ანალოგი, Nintendo Entertainment System. ამ პერიოდში სახლის ვიდეო თამაშებში აშშ-მ ლიდერობა დაუთმო იაპონიას. 1987 წელს კომპანია ნინტენდო ფლობდა კონსოლების ბაზრის 65 პროცენტს, Atari — 24%, Sega — 8% და სხვა — 3%.

იაპონური კონსოლები იმდენად მოთხოვნადი გახდა, რომ 1988 წლისთვის Nintendo-ს უკვე გაყიდული ჰქონდა 7 მილიონი NES-ის სისტემა, თითქმის იმდენივე, რამდენიც Commodore 64 გაიყიდა გამოსვლიდან ხუთ წელიწადში. ჟურნალ Compute!-ის განცხადებით, ფინანსური თვალსაზრისით Nintendo-ს პოპულარობამ დიდი საფრთხე შეუქმნა კომპიუტერული თამაშების მწარმოებელ კომპანიებს, შედეგად, კომპანია Epyx, რომელიც ათწლეულზე მეტი ხნის განმავლობაში აწარმოებდა კომპიუტერულ თამაშებს, გადაერთო კონსოლის თამაშების შემუშავებაზე.

მიუხედავად იმისა, რომ Nintendo დომინირებდა იაპონიის და ჩრდილოეთ ამერიკის ბაზარზე, Sega-ს Master System-მა ფართოდ გაიკვალა გზა ევროპისკენ, ოკეანეთში, ხოლო ბრაზილიაში უპირობო ლიდერად იქცა.

ამ ეპოქაში ნინტენდოს მთავარი კონკურენტი იყო კომპანია Sega. NES-ისგან განსხვავებით, SG-1000 (რომელსაც წინ უძღოდა სეგას უფრო წარმატებული კონსოლის, Master System-ის გამოშვება) არ გამოირჩეოდა ძლიერი ტექნიკური მახასიათებლებით. შედეგად, 1985 წელს სეგამ გამოსცა SG-1000-ის მემკვიდრე Master System, რომელიც არა თუ მის წინამორბედს, არამედ NES-საც კი აღემატებოდა აპარატული შესაძლებლობებით. თუმცა NES ყველაფრის მიუხედავად, დომინირებდა ჩრდილოეთ ამერიკის და იაპონიის ბაზარზე, მაშინ როდესაც Master System სტაბილურად ლიდერობდა ევროპულ და სამხრეთ ამერიკის ბაზარზე.

ამავე ეპოქაში, 1989 წელს Nintendo-მ წარმოადგინა პორტატიული სათამაშო კონსოლი Game Boy, რომელიც, თითქმის 15 წლის განმავლობაში დომინირებდა პორტატიული კონსოლებს შორის. Game Boy-ის წყალობით ნინტენდო პორტატიული კონსოლების ბაზარზე იქცა ლიდერად. გარდა ამისა, გამოიცა ორი პოპულარული 8 ბიტიანი კომპიუტერის, Commodore 64-ის და Amstrad CPC-ის კონსოლური ვერსიები, Commodore 64 Games System და Amstrad GX4000 — შემქმნელთა მიზანი იყო სათამაშო მარკეტზე ფეხის მოკიდება.

უმოქმედოდ არც კომპანია Atari მჯდარა, 1986 წელს წარმოადგინა მორიგი პროდუქტი Atari 7800, რომელიც სრულიად უკუთავსებადი იყო Atari 2600-თან, რაიმე სახის მოდულის გამოყენების გარეშე. თუმცა მესამე მხარის დეველოპერების ნაკლებობის გამო, სისტემაზე ჯამში 100 ერთეულ თამაშზე მეტი არ გამოსულა. 2600-თან შედარებით, 7800, აპარატურის თვალსაზრისით შესამჩნევად გაუმჯობესებული მახასიათებლები გააჩნდა. საბოლოოდ 7800-ის წარმოება შეწყდა 1992 წლის 1 იანვარს.

ამ თაობამ დიდი კვალი დატოვა ვიდეო თამაშების ისტორიაში. სწორედ ამ პერიოდში, პირველად, კონსოლებისთვის შეიქმნა როლური ვიდეო თამაშები. აგრეთვე მზის შუქი იხილა ისეთმა განთქმულმა ფრენჩაიზებმა (უმეტესობა გამოიცემა დღემდე) როგორებიც არის „Super Mario Bros.“, „Final Fantasy“, „The Legend of Zelda“, „Dragon Quest“, „Metroid“, „Mega Man“, „Metal Gear“, „Castlevania“, „Phantasy Star“, „Megami Tensei“, „Ninja Gaiden“, და „Bomberman“.

აღნიშნულ ეპოქაში გამოჩნდა საბავშვო საგანმანათლებლო კონსოლები, რომლებიც ტრადიციული კონსოლების მსგავსად გამოიყენებდნენ სათამაშო კარტრიჯს, თუმცა საგანმანათლებლო კონსოლები არ იქმნებოდა სათამაშო კონსოლებისთვის კონკურენციის გასაწევად, შედეგად ეს სისტემები ტექნიკური თვალსაზრისით ჩამოუარდებოდნენ მათ. ამ თაობის ერთ-ერთი ყველაზე განთქმულ საგანმანათლებლო კლონსოლად მიჩნეულია VTech Socrates, გამოსული 1988 წელს.

Nintendo VS Sega

მთავარი სტატია: კონსოლების ომები.

ჩრდილოეთ ამერიკასა და აზიაში Nintendo Entertainment System (NES)/Family Computer (Famicom) უფრო მეტი რაოდენობით გაიყიდა ვიდრე სხვა ნებისმიერი მესამე თაობის კონსოლი. ეს განპირობებული იყო მასზე გამოსული ცნობილი თამაშებით („Super Mario Bros.“, „Super Mario Bros. 3“, „The Legend of Zelda“, და „Metroid“) და აგრეთვე Nintendo-ს ლიცენზირების მკაცრი პოლიტიკით, რომლის მიხედვითაც, მესამე მხარის დეველოპერების მიერ შემუშავებული პროექტები გამოსვლიდან ორი წლის განმავლობაში NES-ის ექსკლუზივი უნდა ყოფილიყო, რაც აფერხებდა სხვა ნაკლებად ცნობილი კონსოლების წინსვლას. მიუხედავად ამისა, Master System უფრო პუპულარული იყო ევროპაში, ოკეანთესა და სახმრეთ აფრიკაში ვიდრე NES. კონსოლისთვის ევროპასა და ბრაზილიაში უფრო მეტი რაოდენობით თამაში გამოვიდა ვიდრე ჩრდილოეთ ამერიკაში. ამიტომაც კონსოლის გამოცემა ბრაზილიასა და ახალ ზელანდიაში ყველაზე დიდ ხანს მიმდინარეობდა. ამავე დროს ინდუსტრიის ზრდა შეინიშნებოდა საბჭოთა კავშირის დასავლეთ ტერიტორიებზე. საბოლოოდ The Master-ის წარმოება შეწყდა 1990-იანი წლების შუა პერიოდში, თუმცა ბრაზილიაში დღემდე გამოიცემა. ხოლო რაც შეეხება NES-ს, ნინტენდომ მისი მხარდაჭერა შეწყვიტა 2003 წლის 25 სექტემბერს.

კონსოლები

შედარებები

სახელი	SG-1000	Famicom/Nintendo Entertainment System (NES)	Sega Mark III/Master System	Atari 7800
მწარმოებელი	Sega	Nintendo	Sega	Atari
კონსოლი
თავდაპირველი ფასი	15000 იაპონრი იენა	14800 იენა 199.99 აშშ დოლარი 240 კანადური დოლარი	24200 იენა 199.99 აშშ დოლარი 99.99 გირვანქა სტერლინგი	140 აშშ დოლარი
თარიღი	^იაპ15 ივლისი, 1983 ^{ახ.ზელ.} 1983	^იაპ15 ივლისი, 1983 ^აშშ 18 ოქტომბერი, 1985 ^{მსოფლიოში} 1987	^იაპ20 ოქტომბერი, 1985 ^{ჩრდ.ამ.}ოქტომბერი, 1986 ^{მსოფლიოში} ივნისი, 1987	^{ჩრდ.ამ.}მაისი, 1986 ^{მსოფლიოში} ივლისი, 1987
მედია	კარტრიჯი კასეტა მონაცემთა ბარათი	კარტრიჯი Famicom Disk System: 3 ფლოპი დისკი (მხოლოდ იაპონიაში)	კარტრიჯი მონაცემთა ბარათი (მხოლოდ პირველი მოდელი)	კარტრიჯი
ყველაზე გაყიდვადი თამაშები	N/A	„Super Mario Bros.“ (კონსოლთან ერთად კომპლექტში), 40.24 მილიონი (1999) „Super Mario Bros. 3“, 18 მილიონი (21 მაისი, 2003)	„Hang-On“ და „Safari Hunt“ (კომპლექტში) „Alex Kidd in Miracle World“ (კომპლექტში) „Sonic the Hedgehog“ (კომპლექტში)	Pole Position II (კომპლექტში)
უკუთავსებადობა	არა	არა	Sega SG-1000 (იაპონური ვერსია)	Atari 2600
აქსესუარები	Bike Handle Controller Card Catcher Sega Handle Controller Sega Rapid Fire Unit SK-1100	Famicom Disk System (იაპონიაში მხოლოდ) NES Advantage NES Four Score NES Max NES Satellite NES Zapper NES Power Pad NES R.O.B. Famicom 3D System (იაპონიაში მხოლოდ) სხვები	Light Phaser SegaScope 3D Glasses Sega Control Stick Sega Handle Controller Sega Paddle Control Sega Pro Action Replay Sega Remote Control System Sega Rapid Fire Unit Sega SG Commander Sega Sports Pad	XG-1
პროცესორი	NEC 780C (დაფუძნებული 8/16 ბიტიან Zilog Z80-ზე) 3.58 მჰც NTSC (3.55 მჰც PAL)	Ricoh 2A03/2A07 (დაფუძნებული 8 ბიტიან MOS Technology 6502-ზე) 1.79 მჰც (1.66 მჰც - PAL)	NEC 780C (დაფუძნებული 8/16 ბიტიან Zilog Z80-ზე) 3.58 მჰც (3.55 მჰც - PAL)	სტანდარტული 6502C (დაფუძნებული 8 ბიტიან MOS Technology 6502-ზე) 1.19 მჰც ან 1.79 მჰც
გრაფიკა	Texas Instruments TMS9918	Sega VDP	Atari MARIA Atari TIA (ტელევიზიის ინტერფეისის ადაპტერი)	არ არის
ხმის ჩიპი	Texas Instruments SN76489	Ricoh 2A03/2A07 Famicom Disk System: Nintendo 2C33 (მხოლოდ იაპონიაში)	Sega PSG (SN76496) მხოლოდ იაპონიაში: Yamaha YM2413	Atari TIA კარტრიჯის დამატებითი ჩიპი: Atari POKEY
მეხსიერება	3 კბ RAM 1 კბ RAM 2 KB ვიდეო RAM	4.277344 კბ (4380 ბაიტი) RAM 2 კბ RAM 2 კბ ვიდეო RAM განახლებები: MMC ჩიპები: 8 კბ-მდე RAM და 12 კბ-მდე ვიდეო RAM Famicom Disk System: 32 კბ RAM, 8 კბ ვიდეო RAM	24.03125 კბ (24,608 ბაიტი) RAM 8 კბ XRAM 16 კბ ვიდეო XRAM 32 ბაიტი პალიტრული RAM	4 კბ RAM 4 კბ ძირითადი RAM
ვიდეო	გაფართოება: 256×192 სპრაიტები: 32 ეკრანზე, 8×8 ან 8×16 პიქსელი ფერები ეკრანზე: 16 ერთდროულად პალიტრა: 21 ფერი	რეზოლუცია: 256×224 ან 256×240 სპრაიტები: 64 ეკრანზე , 8×8 ან 8×16 პიქსელები ფერები ეკრანზე: 25 ერთდროულად პალიტრა: 53 ფერი	რეზოლუცია: 256×192, 256×224, 256×240 სპრაიტები: 64 ეკრანზე, 8×8 ან 16×16 პიქსელები*ფერები ეკრანზე: 32 ერთდროულად) პალიტრა: 64 ფერი	რეზოლუცია: 160×200 ან 320×200 სპრაიტები: 100 სპრაიტი ფერები ეკრანზე: 25 ერთდროულად პალიტრა: 256 ფერი
აუდიო	მონო აუდიო: სამი მეანდრული არხით ხმის ერთი გენერატორით	მონო აუდიო: სამი მეანდრული არხით ხმის ერთი გენერატორით ერთი დიფერენციალური იმპულსური მოდულაციური არხი, 16 ბიტიანი აუდიო, 4.2-მდე 33.5 კჰც დისკრეტიზაციის სიხშირე მხოლოდ იაპონური განახლება: ხმის სიმძლავრის გაძლიერება დამატებითი ჩიპის მეშვეობით	მონო აუდიო: სამი მეანდრული არხით ხმის ერთი გენერატორით კარტრიჯის დამატებითი ჩიპი: ოთხი მეანდრული არხი ხმის ერთი გენერატორი	არ არის

სხვა კონსოლები

Casio PV-1000
გამოვიდა 1983
Nichibutsu My Vision
გამოვიდა 1983
Philips Videopac + G7400
გამოვიდა 1983
Super Cassette Vision
გამოვიდა 1984
Zemmix
გამოვიდა 1985
Dina (Telegames Personal Arcade)
გამოვიდა 1986
Atari XEGS
გამოვიდა 1987
Action Max
გამოვიდა 1987
View-Master Interactive Vision
გამოვიდა 1988
VTech Socrates
გამოვიდა 1988
Amstrad GX4000
გამოვიდა 1990
Commodore 64 Games System
გამოვიდა 1990

გაყიდვების შედარება

კონსოლი	მსოფლიოში გაიყიდა	იაპონია	ამერიკა	სხვაგან
Nintendo Entertainment System	61.91 მილიონი (დეკემბერი, 2009)	19.35 მილიონი (დეკემბერი, 2009)	34 მილიონი (დეკემბერი, 2009)	8.56 მილიონი (დეკემბერი, 2009)
Sega Master System	17.8 მილიონი (2016)	1 მილიონი (1986)	აშშ: 2 მილიონი (1992) ბრაზილია: 8 მილიონი (2016)	Western Europe: 6.8 მილიონი (1993)
Atari 7800	არ არის	—	—	—

პროგრამული უზრუნველყოფა

საკვანძო თამაშები

„Alex Kidd in Miracle World“ (SMS) შექმნილი Sega-ს მიერ, სადაც ფიგურირებს სეგას ყოფილი თილისმა, ალექს კიდი. თამაშმა კონკურენცია ვერ გაუწია „Super Mario Bros.-ს.“, თუმცა პოპულარული იყო PAL რეგიონში, ვინაიდან ჩაშენებული იყო კონსოლში.
„Castlevania“ (NES) შექმნილი Konami, დაფუძნებული ბრემ სტოკერის დრაკულაზე, სადაც მთავარი ანტაგონისტია გრაფი დრაკულა. ამ თამაშმა საფუძველი ჩაუყარა სერია „Castlevania“-ს.
„Dragon Ball: Dragon Daihikyō“ (SCV) შექმნილი Epoch-ის მიერ. იყო პირველი თამაში, დაფუძნებული მანგა და ანიმე ტელესერიალ „დრაკონის მარგალიტზე“.
„Dragon Quest“ (NES) შექმნილი Chunsoft-ის და Enix-ის მიერ. „Dragon Quest“-ის სერია გამოვიდა 1986 წელს. ითვლება ერთ-ერთ ყველაზე პოპულარულ ვიდეო თამაშების სერიად იაპონიაში.
„Final Fantasy“ (NES) შექმნილი Square-ის მიერ, რამაც საფუძველი ჩაუყარა „Final Fantasy“-ის სერიას 1987 წელს.
„The Legend of Zelda“ (NES) შექმნილი Nintendo EAD-ის და Nintendo-ის მიერ 1986 წელს. საფუძველი ჩაუყარა “The Legend of Zelda“-ს სერიას.
„Mega Man 2“ (NES) შექმნილი Capcom-ის მიერ. შემდგომში NES-ზე გამოვიდა რამდენიმე გაგრძელება, ხოლო მოგვიანებით გამოიცა სპინოფებიც.
„Metal Gear“ (MSX2) შექმნილი Konami-ის მიერ 1987 წელს. საფუძველი ჩაუყარა „Metal Gear“-ის სერიას. გამოვიდა პლატფორმა MSX2-ზე და მალე დაპორტირდა NES-ზე.
„Metroid“ (NES) შექმნილი R&D1-ის მიერ 1986 წელს. საფუძველი ჩაუყარა „Metroid“-ის სერიას.
„Phantasy Star“ (SMS) Sega Consumer Development Division 2-ის და Sega-ს მიერ, რომელიც მიიჩნევა როლური ვიდეო თამაშის ეტალონად. ის იყო ერთ-ერთი პირველი, რომელშიც წარმოადგინეს სამეცნიერო ფანტასტიკური გარემო და სუსტი სქესის პროტაგონისტი.
„Super Mario Bros.“ (NES) შექმნილი Nintendo EAD-ის და Nintendo-ს მიერ. თან მოჰყვებოდა NES-ს. ის ყველაზე გაყიდვადი თამაშის ტიტულს ინარჩუნებდა 2009 წლამდე.
„Super Mario Bros. 3“ (NES) შექმნილი Nintendo-ის მიერ. მის თაობაში მიჩნეულია ყველაზე საუკეთესო პლატფორმერად, ისევე როგორც NES-ის ერთ-ერთ საუკეთესო თამაშად.

იხილეთ აგრეთვე

რესურსები ინტერნეტში

მესამე თაობის ვიდეო თამაშების კონსოლები დაარქივებული 2017-06-10 საიტზე Wayback Machine. Wikia-ზე

სქოლიო

This article uses material from the Wikipedia ქართული article მესამე თაობის ვიდეო თამაშების კონსოლები, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.