Lockheed Martin F-35 Lightning II — კვლევის სტადიაზე მყოფი ერთადგილიანი, ერთ ძრავიანი, მეხუთე თაობის მრავალფუნქციური საბრძოლო თვითმფრინავი.
იგი გათვლილია საიერიშო, სადაზვერვო და საჰაერო თავდაცვის მისიებისთვის სტელსის ტექნოლოგიების გამოყენებით. F-35-ს გააჩნია სამი ძირითადი მოდელი: პირველი გათვლილია მოკლე გარბენით აფრენა-დაჯდომაზე, მეორე — ვერტიკალურ აფრენა-დაჯდომაზე, ხოლო მესამე — სპეციალურად ავიამზიდებისთვის.
F-35 Lightning II | |
---|---|
F-35A Lightning II | |
ფუნქცია | სტელსის მრავალფუნქციური საბრძოლო თვითმფრინავი |
წარმოება | Lockheed Martin Aeronautics |
პირველი გაფრენა | 15 დეკემბერი, 2006 |
წარდგენა | 2016–2018 |
სტატუსი | პირველადი წარმოება, აშშ-ის სამსახურში, როგორც სასწავლო თვითმფრინავი |
წარმოების წელი | 2006 წლიდან დღემდე |
რაოდენობა | 13 საცდელი + 10 სერიული |
ღირებულება | F-35A: 122 მილიონი აშშ-ის დოლარი(ზღვრული ღირებულება, 2011) F-35B: $150 მილიონი (საშუალო ღირებულება, 2011) F-35C: $139.5 მილიონი (საშუალო ღირებულება, 2011) F-35A-ს იარაღთა სისტემის განყოფილების ფასია $183.5 მილიონი (FY 2011) |
გაუმჯობესებული | X-35 |
F-35 წარმოიშვა Lockheed Martin X-35-სგან, რომელიც, თავის მხრივ, წარმოადგენს პროგრამის Joint Strike Fighter (JSF) ფარგლებში შექმნილ პროდუქტს. JSF პროგრამას ახორციელებს აშშ-ის მთავრობა, გაერთიანებული სამეფოსა და სხვა რამდენიმე ქვეყნის მთავრობის დამატებითი სახსრებით. პარტნიორი ქვეყნები წარმოადგენენ ან ნატოს წევრებს, ან აშშ-ის მოკავშირეებს. F-35-მა თავისი პირველი გაფრენა 2006 წლის 15 დეკემბერს განახორციელა.
აშშ აპირებს სულ 2 443 ასეთი თვითმფრინავის შეძენას, რომელთა საერთო ღირებულება აღწევს 323 მილიარდ დოლარს, რაც ყველაზე ძვირადღირებული თავდაცვითი პროგრამა იქნება, რაც კი ოდესმე განხორციელებულა.
მახასიათებლები აღებულია Lockheed Martin-ის, F-35 JSF სტატისტიკის გვერდებიდან და F-35 პროგრამის მოკლე მიმოხილვიდან.
ეკიპაჟი : 1 კაცი.
სიგრძე : 15.67 მ.
ფრთებს შორის მანძილი : 10.7 მ.
სიმაღლე : 4.33 მ.
ფრთების ფართობი : 42.7 მ2.
ცარიელის წონა : 13 300 კგ.
დატვირთულის წონა : 22 470 კგ.
მაქსიმალური ასაფრენი წონა : 31 800 კგ.
შიდა საწვავის ავზის მოცულობა : 8 382 კგ.
ძრავების რაოდენობა და ტიპი: 1, Pratt & Whitney F135, ფორსირებული ტურბოძრავა.
მაქსიმალური სიჩქარე : 1 930 კმ/სთ
ვიკისაწყობში არის გვერდი თემაზე: F-35 Lightning II
This article uses material from the Wikipedia ქართული article F-35 Lightning II, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.