ჯეჯორა

სათავე აქვს მაღრან-დვალეთის კავკასიონის სამხრეთ-დასავლეთ კალთაზე, ზღვის დონიდან 2975 მ სიმაღლეზე, სიგრძე 45 კმ, აუზის ფართობი 438 კმ². საზრდოობს თოვლის, წვიმის, მყინვარული და მიწისქვეშა წყლით. წყალდიდობა იცის გაზაფხულ-ზაფხულზე. მდგრადი წყალმცირობა - ზამთარში. წვიმებით გამოწვეული წყალმოვარდნა განსაკუთრებით დიდია შემოდგომაზე. წყალდიდობის დროს ჩამოედინება წლიური ჩამოდენის 65 %, შემოდგომაზე - 21 %, ზამთარში - 17 %. საშუალო წლიური ხარჯი შესართავთან 12,2 მ³/წმ.

ჯეჯორა
მდ. ჯეჯორა რიონს უერთდება ქ. ონთან
ქვეყანა	საქართველო
ტერიტორიული ერთეულები	შიდა ქართლის მხარე, რაჭა-ლეჩხუმისა და ქვემო სვანეთის მხარე
სათავე	მაღრან-დვალეთის კავკასიონი 42°33′42″ ჩ. გ. 43°54′21″ ა. გ. / 42.561889° ჩ. გ. 43.905861° ა. გ. / 42.561889; 43.905861
სათავის სიმაღლე	2975 მ
შესართავი	რიონი 42°34′31″ ჩ. გ. 43°25′28″ ა. გ. / 42.575278° ჩ. გ. 43.424667° ა. გ. / 42.575278; 43.424667
სიგრძე	45 კმ
აუზის ფართობი	438 კმ²
წყლის ხარჯი (საშ.)	12,2 მ³/წმ
— სათავე, — შესართავი
ჯეჯორა ვიკისაწყობში

	„მოერთვის რიონს ჯეჯორის მდინარე. ეს გამოსდის კედელას კავკასსა და დის კუდაროს ჩასავლის კარგა ქუეითამდე აღმოსავალ-ჩდილოს შუადამ სამჴრეთს-დასავლეთს შორის, მერმე მოიქცევის და დის სამჴრიდამ ჩდილოდ რიონამდე და მოერთვის მას სამჴრიდამ. რიონის შესართავს ზეით და ჯეჯორის აღმოსავლით კიდურზედ არს ციხე, და ამ ციხეს ზეით და ჯეჯორისვე აღმოსავლით არს დაბა წედისი, და ციხე მცირე.“

• აფხაზავა ი., ქართული საბჭოთა ენციკლოპედია, ტ. 11, თბ., 1987. — გვ. 567.
• ქართლის ცხოვრება. ტომი IV. ბატონიშვილი ვახუშტი. აღწერა სამეფოსა საქართველოსა. გვ. 767. სახელმწიფო გამომცემლობა „საბჭოთა საქართველო“. თბილისი 1973.