პოლ სეზანი (ფრანგ.
19 იანვარი, 1839, ექს-ან-პროვანსი ― გ. 22 ოქტომბერი, 1906, იქვე) ― ფრანგი მხატვარი, რომელმაც იმპრესიონიზმიდან კუბიზმში გადასვლის დამაკავშირებელი ხიდის როლი შეასრულა. ითვლება რა თანამედროვე სახვითი ხელოვნების მამად, პოლ სეზანის ნამუშევრები გეომეტრიული კომპოზიციისა და ბალანსისკენ მისწრაფებას აღწერს. სეზანი მის ტილოებზე სამ-განზომილებიან გამოსახულებებს ფერთა გამისა და გეომეტრიული შტრიხების შერწყმით ქმნიდა.
პოლ სეზანი | |
---|---|
Paul Cézanne | |
ავტოპორტრეტი | |
სრული სახელი | პოლ სეზანი |
დაიბადა | 19 იანვარი, 1839 |
დაბადების ადგილი | ექს-ან-პროვანსი |
გარდაიცვალა | 22 ოქტომბერი, 1906 |
გარდაცვალების ადგილი | ექს-ან-პროვანსი[1] [2] |
ეროვნება | ფრანგი |
სფერო | ფერწერა |
მიმდინარეობა | პოსტიპრესიონიზმი |
ჟანრი | ნატურმორტი[3] [2] , საჟანრო ფერწერა[2] , პეიზაჟი[2] და პორტრეტი[2] |
ცნობილი ნამუშევრები | ტყე, 1902–1904 |
საიტი | https://paul-cezanne.org |
XIX საუკუნის ერთ-ერთი უდიდესი მხატვარი და უდავოდ ერთ-ერთი ყველაზე გავლენიანი პიროვნება XX საუკუნის სახვითი ხელოვნების განვითარებაში, პოლ სეზანი ექს-ან-პროვანსში 1839 წლის 19 იანვარს დაიბადა. იქვე ამთავრებს სკოლას. 1859-61 წლებში ის იურისპრუდენციას სწავლობდა ექსში და ამავე დროს აგრძელებდა ხატვის გაკვეთილებს, მიჰყვებოდა რა სიყმაწვილის გატაცებას. მამის წინააღმდეგობის მიუხედავად, მან პროფესიად ხელოვნება აირჩია და ახლო მეგობარ ემილ ზოლასთან ერთად 1861 წელს პარიზში გაემგზავრა. დროთა განმავლობაში მამამისი დაჰყვა შვილის ნებას და შემდგომში მხარს უჭერდა მის არჩევანს. მოგვიანებით სეზანი მამისგან დიდ მემკვიდრეობას იღებს, რითაც მას კომფორტულად შეეძლო ცხოვრება და მხატვრობის გაგრძელება.
პარიზში ის ხვდება კამილ პისაროსა და სხვა იმპრესიონისტებს. ისინი ხშირად ხატავდნენ ხოლმე ერთად და სეზანის მომდევნო წლების ნამუშევრებში პისაროს ძლიერი გავლენა შეიმჩნევა.
This article uses material from the Wikipedia ქართული article პოლ სეზანი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.