ლუი Xv
ლუი XV დე ბურბონი (ფრანგ.
15 თებერვალი, 1710, ვერსალი, საფრანგეთი – გ. 10 მაისი, 1774, ვერსალი, საფრანგეთი) — საფრანგეთის და ნავარის მეფე 1715-1774 წლებში. ლუი XIV-ის შვილთაშვილი. მისი მამა, ლუი დე ბურბონი 1712 წელს გარდაიცვალა, ხოლო პაპა 1711 წელს. ლუი XIV-მ თავის მემკვიდრედ სწორედ ის დაასახელა. 1715 წელს, საფრანგეთის სამეფო ტახზტზე აიყვანეს 5 წლის ასაკში. 1723 წლამდე საფრანგეთს მართავდა რეგენტი - ლუი XIV-ის ძმისშვილი, ჰერცოგი ფილიპ II ორლეანელი. მეფის სრულწლოვანების შემდეგ კი ქვეყნის ფაქტობრივი მმართველები იყვნენ ჰერცოგი ბურბონი (1723-1726 წწ.) და მეფის ყოფილი აღმზრდელი, კარდინალი ფლერი (1726-1743 წწ.). 1725 წელს ლუი XV-მ ცოლად შეირთო მარი ლეშჩინსკა (სტანისლავ ლეშჩინსკის ქალიშვილი). ლუი XV-ის ცხოვრების დევიზი იყო: „ჩემს შემდეგ წარღვნაც მოსულა“. მეფე გართული იყო ნადირობით, ქეიფით, ბანქოს თამაშით. ქვეყნის ფაქტობრივი მმართველები იყვნენ მეფის ფავორიტი ქალები (მარკიზა პომპადური; გრაფინია დიუბარი). ლუი XV-ის მეფობის დროს ომებით გადაღლილი საფრანგეთი ძლიერ დასუსტდა და გაკოტრდა. მნიშვნელოვანი წარუმატებლობა განიცადა საგარეო პოლიტიკის სფეროშიც. 1774 წელს ლუი XV გარდაიცვალა. მის შემდეგ ტახტზე მისი უფროსი ვაჟის, ლუის შვილი, ლუი XVI ავიდა.
| ლუი XV | |
|---|---|
 | |
| საფრანგეთის მეფე | |
| მმართ. დასაწყისი: | 1715 |
| მმართ. დასასრული: | 1774 |
| წინამორბედი: | ლუი XIV |
| მემკვიდრე: | ლუი XVI |
| რეგენტი: | ფილიპ II ორლეანელი (1715—1723) |
| პირადი ცხოვრება | |
| დაბ. თარიღი: | 15 თებერვალი, 1710 |
| დაბ. ადგილი: | ვერსალი |
| გარდ. თარიღი: | 10 მაისი, 1774 (64 წლის) |
| გარდ. ადგილი: | ვერსალი |
| მეუღლე: | მარია ლეშჩინსკა |
| შვილები: | ლუიზა ელიზაბეტი, პარმის ჰერცოგინია ანა ანრიეტა ფრანგი ლუი, საფრანგეთის დოფინი მარი ადელაიდა, ლუვუას ჰერცოგინია ვიქტორია ფრანგი სოფი, ლუვუას ჰერცოგინია ლუიზა, სენ დენის აბატი |
| დინასტია: | ბურბონები |
| მამა: | ლუი, საფრანგეთის დოფინი |
| დედა: | მარია ადელაიდა სავოიელი |
| რელიგია: | კათოლიციზმი |
ლიტერატურა
- ქართული საბჭოთა ენციკლოპედია, ტ. 6, თბ., 1983. — გვ. 306.
This article uses material from the Wikipedia ქართული article ლუი XV, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.