ბილ კლინტონი
უილიამ ჯეფერსონ „ბილ“ კლინტონი (ინგლ.
William Jefferson Blythe III ; დ. 19 აგვისტო, 1946) — აშშ-ის 42-ე პრეზიდენტი (1993-2001) დემოკრატიული პარტიიდან. იგი აშშ-ის პირველი პრეზიდენტი იყო, ვინც მეორე მსოფლიო ომის შემდეგ დაიბადა. მისი მეუღლეა ჰილარი კლინტონი, აშშ-ის 67-ე სახელმწიფო მდივანი.
| უილიამ ჯეფერსონ კლინტონი William Jefferson Clinton | |
 | |
| აშშ-ის 42-ე პრეზიდენტი | |
|---|---|
| თანამდებობაზე ყოფნის დრო | |
| 20 იანვარი, 1993 – 20 იანვარი, 2001 | |
| ვიცე-პრეზიდენტი | ალბერტ გორი |
| წინამორბედი | ჯორჯ ჰ. ბუში |
| მემკვიდრე | ჯორჯ უ. ბუში |
არკანზასის 42-ე გუბერნატორი | |
| თანამდებობაზე ყოფნის დრო | |
| 11 იანვარი, 1983 – 12 დეკემბერი, 1992 | |
| წინამორბედი | ფრანკ ვაითი |
| მემკვიდრე | ჯიმ ტაკერი |
არკანზასის მე-40 გუბერნატორი | |
| თანამდებობაზე ყოფნის დრო | |
| 9 იანვარი, 1979 – 19 იანვარი, 1981 | |
| წინამორბედი | ჯო პარსელი |
| მემკვიდრე | ფრანკ ვაითი |
არკანზასის გენერალური პროკურორი | |
| თანამდებობაზე ყოფნის დრო | |
| 3 იანვარი, 1977 – 9 იანვარი, 1979 | |
| დაბადებული | 19 აგვისტო, 1946 ჰოუპი, არკანზასი |
| პოლიტიკური პარტია | დემოკრატიული პარტია |
| მეუღლე | ჰილარი კლინტონი |
| საქმიანობა | ადვოკატი |
| რელიგია | ბაპტისტი |
| ჯილდოები |  |
| ხელმოწერა |  |
| საიტი | ბილ კლინტონის საპრეზიდენტო ბიბლიოთეკა |
კლინტონმა ჯორჯტაუნის უნივერსიტეტი, ოქსფორდის საუნივერსიტეტო კოლეჯი და იელის სამართლის სკოლა დაამთავრა. იგი 12 წელი მსახურობდა როგორც არკანზასის 40-ე და 42-ე გუბერნატორი. 1992 წლის საპრეზიდენტო არჩევნებში მან მოქმედი პრეზიდენტი ჯორჯ ბუში დაამარცხა.
პრეზიდენტის რანგში კლინტონმა ჩრდილოეთ ამერიკის თავისუფალი ვაჭრობის შეთანხმებას დაუჭირა მხარი და სოციალური უზრუნველყოფის რეფორმა (welfare reform) განახორციელა. მან წარუმატებლად სცადა ჯანმრთელობის დაცვის რეფორმის (health care reform) გატარება, რომელიც კონგრესის წინააღმდეგობის გამო ვერ განხორციელდა. მისი პრეზიდენტობისას აშშ-ის ეკონომიკა სწრაფი ტემპით ვითარდებოდა, მაღალი ტექნოლოგიების სექტორი ძალიან განვითარდა და უმუშევრობა მინიმალური იყო. 1996 წელს კლინტონი მეორე ვადით აირჩიეს პრეზიდენტად. მეორე ვადის დროს ლევინსკის სკანდალის გამო წარმომადგენელთა პალატამ მისი იმპიჩმენტის პროცედურა დაიწყო, მაგრამ სენატმა ის გაამართლა. მისი მმართველობისას ნატო-მ 1995 წელს ბოსნია-ჰერცეგოვინის და 1999 წელს იუგოსლავიის დაბომბვის ოპერაციები განახორციელა, ასევე ნატო-ში ყოფილი კომუნისტური ქვეყნების მიღება დაიწყო. იგი ფრანკლინ რუზველტის შემდეგ პირველი დემოკრატი პრეზიდენტი იყო, ვინც პოსტზე ორი სრული ვადა გაატარა.
თანამდებობის დატოვების დროს კლინტონის ნდობის რეიტინგი 66 % იყო, რაც მეორე მსოფლიო ომის შემდეგ პოსტიდან მიმავალი პრეზიდენტის ყველაზე მაღალი რეიტინგია. პრეზიდენტობის შემდეგ ის აქტიურ საზოგადოებრივ საქმიანობას ეწევა, 2004 წელს ავტობიოგრაფიული წიგნი გამოსცა.
რესურსები ინტერნეტში
- White House biography
- Clinton Presidential Materials Project დაარქივებული 2013-07-26 საიტზე Wayback Machine. Archive of press releases and transcripts of speeches from the administration.
- Clinton Presidential Library official website
- Clinton School of Public Service
This article uses material from the Wikipedia ქართული article ბილ კლინტონი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.