კებნეკაისე (შვედ.
მდებარეობს სკანდინავიის მთებში. მოქცეულია ლაპლანდიის ტერიტორიაზე, არქტიკული წრის ჩრდილოეთით დაახლოებით 150 კმ-ზე, ქალაქ კირუნიდან დასავლეთით. აგებულია გაბროთი და კვარცული სიენიტებით. აქვს ორი მწვერვალი — სამხრეთი (2097.5 მ), რომელიც მყინვარითაა დაფარული და ჩრდილოეთი (2096.8 მ), რომელიც ყინულისგან თავისუფალია. მყინვარები ამჟამად გადნობის ტენდენციას იჩენენ, რის გამოც მისი სიმაღლე მუდამ იცვლება. რამდენიმე ათწლეულის წინ მისი სიმაღლე განისაზღვრებოდა 2123 მ-ით. თუ მყინვარების გადნობა იმავე ტემპებით გაგრძელდება, სამხრეთი მწვერვალი დროთა განმავლობაში შესაძლოა ჩრდილოეთისაზე დაბალი გახდეს. კებნეკაისე პოპულარულია ტურისტული თავალსაზრისით. აქ გადის მრავალი ალპური მარშრუტი, მის ირგვლივაა აგრეთვე ქვეითი მარშრუტი — კუნგსლედენი. მწვერვალის ძირში განლაგებულია სტოკჰოლმის უნივერსიტეტის მაღალმთიანეთის პრობლემების შემსწავლელი სადგური.
კებნეკაისე | |
---|---|
კებნეკაისე | |
კოორდინატები: 67°54′00″ ჩ. გ. 18°31′00″ ა. გ. / 67.90000° ჩ. გ. 18.51667° ა. გ. | |
ქვეყანა | შვედეთი |
სიმაღლე | 2097.5 მ |
შეფარდებითი სიმაღლე | 1750 მ |
იზოლაცია | 757 კმ |
ქედი | სკანდინავიის მთები |
პირველი ასვლა | 1883 (ჩარლზ რაბოტი) |
This article uses material from the Wikipedia ქართული article კებნეკაისე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.